Auðvitað var mamma þarna í miðri byltingunni

Var að spjalla við mömmu og auðvitað hafði hún mætt niður á Austurvöll í dag með háværa bjöllu í hönd (sem hún gaf öðrum mótmælanda þegar hún fór einhvern tíma um miðjan daginn). Við höfum farið saman og/eða skipt liði af og til í þessum mótmælum en ég ætlaði svo sem ekki að fara að ýta á hana að mæta fyrst aumingjaskapurinn í pestinni hjá mér hélt mér frá þessu. Spurning hvort annar ættliður sé niðurfrá núna eða ekki, spyr á eftir.

Athugasemdir

[Jenný Anna Baldursdóttir, 21.1.2009 kl. 00:38]

Flott mamma sem þú átt.

Dætrum mínum fannst ofboðslega krúttlegt að eiga mömmu sem hélt upp á afmælið sitt með því að mótmæla.

En dætur mínar eru reyndar ýmsu vanar.

[Anna Ólafsdóttir Björnsson, 21.1.2009 kl. 01:37]

Á auðvitað bara geggjaða fjölskyldu eins og þú og krakkarnir þínir! Og þú munt alltaf muna þetta afmæli og allir í kringum þig.

[Anna Ólafsdóttir Björnsson, 21.1.2009 kl. 01:39]

Orðskýring, ef einhver skyldi velkjast í vafa: Geggjað er jákvætt, flott, æðislegt (sams konar orð en ekki eins of misskilið).