Búdapest - Borgarfjörður - myndir á leiðinni ... (trúi því varla að það sé hálka á Mýrdalssandi)

Það var gaman í Búdapest í gær en nú er ég komin upp í Borgarfjörðinn og horfi á himneska fjallasýn og jöklana mína fimm. Þessi fjölbreytni í tilverunni á óneitanlega vel við mig. Nú ætla ég að fara að henda inn í myndum og láta það malla á meðan ég gríp í vinnu eða hendi mér út á vindsæng ef sólin ákveður að vera hérna hjá mér. Meira fljótlega (held ég).

Heyrði í útvarpinu áðan að það vær snjókoma og hálka á Mýrdalssandi. Trúi því varla, en ég er komin heim!

Hér er fyrsta myndin, við mæðgurnar á kastalahæðinni í Búdapest í gær:

Athugasemdir

[Anna Ólafsdóttir (anno) 22.6.2008 kl. 14:23]

Velkomin heim. Ég trúi því nú eiginlega ekki heldur að hálkan sé á Mýrdalssandi! hefði trúað því ef hún hefði verið sögð vera á Öxnadalsheiði. Það er nefnilega frekar svalt hjá okkur Norðanfólki í dag.

[Anna Ólafsdóttir Björnsson, 22.6.2008 kl. 15:04]

Takk, ég trúi því hvorki að ég sé komin heim né að það sé hálka, en ég man samt eftir Jónsmessuhretinu hér um árið, þannig að allt getur gerst.

[Guðríður Haraldsdóttir, 22.6.2008 kl. 15:48]

Velkomin heim, elsku Anna mín. Vona að þú hafir það himneskt í bústaðnum, svalirnar mínar eru eiginlega of heitar núna, líklega svipað hjá ykkur ... Hlakka til að sjá þig, vonandi sem fyrst.

[Anna Ólafsdóttir Björnsson, 22.6.2008 kl. 18:40]

Takk Gurrí mín, gott að þú fékkst gott veður, hér í uppsveitum hefur verið skýjað seinni partinn, sem er gott fyrir útreiðarnar sem Ari er í, en ágætt fyrir mig, sem hef verið að snyrta aðeins til hér í bústaðnum og svo að slappa af. Hef fengið góðan skammt af sól að undanförnu.

[Ester Sveinbjarnardóttir, 22.6.2008 kl. 21:34]

Velkomin heim, ég skrapp austur undir Eyjafjöll um helgina, þar var ekki hálka, heldur þetta dýrindis veður :)

[Linda litla, 23.6.2008 kl. 01:27]

Velkomin heim á frón aftur..... er ekki komið sumar á Mýrdalssandi ??

[Anna Ólafsdóttir Björnsson, 23.6.2008 kl. 11:45]

Nú HLÝTUR sumarið að vera komið, líka á Mýrdalssandi.