Afmæli Myndlistarskólans í Kópavogi og vinkonuhittingur
21.11.2008 | 23:40
Eftir smá vinnutörn í dag fór ég stutta stund í 20 ára afmæli Myndlistarskólans í Kópavogi, sem er kominn í frábært húsnæði á Smiðjuveginum. Þar eru nú margir af gömlu félögum mínum úr Myndlistarskólanum í Reykjavík, sumir að elta kennara og aðrir aðra nemendur, sem fóru milli skóla á undan og eflaust eru ástæðurnar margar, eins og gengur. Sumir eru svo snjallir að vera í báðum skólunum, bæði kennarar og nemendur, enda báðir skólarnir virkilega fínir skólar. Glæsileg afmælisveisla og gaman að hitta svona marga sem ég hef ekki séð lengi.
Á eftir hitti ég Guðnýju vinkonu mína á Brons, en þar mælum við okkur stundum mót og fáum okkur súpu og gott kaffi, í mínu tilfelli Latte, er orðin frekar háð því. En því miður er búið að skipta um súpumatseðill og kókos-kjúklingasúpan ekki fáanleg lengur. Það er synd og skömm, en þetta er eflaust allt með ráðum gert. Það er aukaatriði, aðalatriðið er að hitta góða vinkonu og skiptast á fréttum og pælingum.
Svipmyndirnar eru úr skólanum fyrr í vetur.
Flokkur: Vinir og fjölskylda | Breytt s.d. kl. 23:52 | Facebook
Athugasemdir
Mikið held ég að það sé gaman í myndlistarskólanum
Aldís Gunnarsdóttir, 22.11.2008 kl. 01:38
Þú hittir svo sannarlega naglann á höfuðið, það er alveg ótrúlega gaman.
Anna Ólafsdóttir Björnsson, 22.11.2008 kl. 02:10