Ljúf fjölskylduhelgi í bústaðnum
20.8.2007 | 00:58
Mikið áttum við ljúfa fjölskylduhelgi í sumarbústaðnum. Í gær vorum við Ari tvö þar og nutum veðurblíðunnar en í dag komu yfir 30 ættingjar, mest úr föðurfjölskyldunni, í heimsókn til að halda mini-ættarmót. Hanna mín á förum aftur til Ungverjalands á morgun þannig að við vorum bæði að kveðja hana og heilsa uppá þá sem voru á landinu, Helgu frænku, Susse og Gitte og Nínu systur sem er nýflutt heim til Íslands. Guðmundur vinur okkar leit líka við á leiðinni norður og allir voru að pæla fram og til baka hver væri búin að fá sér nýjan mann ;-) þar til við því miður þurftum endilega að leiðrétta misskilninginn.
Helga frænka sem býr í París
Nína systir, nýflutt frá Bandaríkjunum
Anna bloggari
Nana frænka, ljósmóðir og ánægð með úrslit keppninnar um fegursta orð íslenskrar tungu
Hjördís frænka, hestakona með meiru
Mestallt liðið á pallinum við bústaðinn okkar, einhverjir týndust í berjamó.
Flokkur: Vinir og fjölskylda | Breytt s.d. kl. 01:00 | Facebook
Athugasemdir
glæsilegur hópur og ekki virðist útsýnið amalegt !
ég skil vel að þú sért glöð að systir þín sem flutt frá bandaríkj. og heim, hef svona þefað það á fyrri færslum !
dóttir mín og fjölskylda eru að flytja hingað í litla bæinn minn um miðjan september og ég hlakka mikið mikið til !
það er gott að hafa allavega einhverja fjölskyldumeðlimi ekki of langt í burtu !
AlheimsLjós til þín og þinna
steina
Steinunn Helga Sigurðardóttir, 20.8.2007 kl. 06:18
Sannarlega rétt til getið að heimkoma Nínu systur hefur verið sérstakt gleðiefni okkar allra. Hún hefur búið mestan hluta ævinnar erlendis, en finnst samt að hún sé að koma heim núna. Ekki spillir að við h-fum svipuð áhugamál og stundum er grínast með að við séum að finna ,,hinn tvíburann" þótt 3 ár séu á milli. Samgleðst þér, Steina, vegna dóttur þínnar og fjölskyldu.
Anna Ólafsdóttir Björnsson, 20.8.2007 kl. 09:02