Efni
Heimsóknir
Flettingar
- Í dag (4.5.): 1
- Sl. sólarhring: 7
- Sl. viku: 30
- Frá upphafi: 571343
Annað
- Innlit í dag: 1
- Innlit sl. viku: 30
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Bækur
Nokkrar bækur í tilverunni
Bækur hafa áhrif - hér eru nokkrar sem virkuðu á mig. Áskil mér rétt á að breyta listanum, en svona er hann í dag.
-
Jón Helgason: Úr landsuðri
Ljóð Jóns Helgasonar fræðimanns og skálds eru yndisleg, allt frá Afmæli kattarins til Áfanga. Lesið þau öll, oft!
***** -
Germaine Greer: The Obstacle Race
Listasagan hennar Germaine Greer - uppáhalds feminismabókin mín
**** -
Sigurður Guðmundsson: Tabúlarasa
Ætla ekki að reyna að skýra hvers vegna þessi heillar mig mest, þið verðið bara að lesa hana ... eða ekki.
***** -
E. H. Carr: What is history?
Bókin sem réð úrslitum um að ég varð sagnfræðingur.
*** -
Hómer: Illionskviða
Las hana mölbrotin á spítala og fannst hún flott.
**** -
Steinunn Sigurðardóttir: Sífellur
Steinunn er flott ljóðskáld
**** -
Eleanor H. Porter: Pollýanna
Ótrúlega skemmtilegur heilaþvottur, virkar enn (stundum).
*** -
Antoine de Saint-Exupéry: Litli Prinsinn
Lífsspeki og húmor.
****
Eldri færslur
2024
2023
2022
2021
2020
2019
2018
2017
2016
2015
2014
2013
2012
2011
2010
2009
2008
2007
Táragas 1971 - upplýsingar óskast
22.1.2009 | 20:31
Tíminn í kringum árið 1971 var tími ýmissa átaka í samfélaginu, baráttu gegn Viet-Nam stríðinu, árin á undan hafði verið landflótti, meðal annars til Ástralíu, vegna atvinnuleysis. Vinstri sveiflan í samfélaginu felldi stjórn Sjálfstæðisflokksins og Alþýðuflokksins (forvera Samfylkingarinnar) - en svo vildi til að þetta var einmitt kosningaár.
Nú er staðan enn alvarlegri í samfélaginu, ástand sem fáir eða enginn hefur upplifað fyrr. Í nótt voru mikil átök og táragasi beitt, að því er sagt er í fyrsta sinn síðan 1971. Eftir smá flettingar um viðburði ársins 1971, sem var vissulega viðburða- og átakaár, þá get ég ekki fundið út af hvaða tilefni táragasi var beitt þá. Vitið þið betur?
Og svo segi ég bara: Til hamingju mótmælendur með árangurinn sem vonandi er að fara að koma í ljós!
Flokkur: Stjórnmál og samfélag | Breytt s.d. kl. 20:32 | Facebook
« Síðasta færsla | Næsta færsla »
Athugasemdir
Já nákvæmlega, ég hnaut um þetta líka..
hilmar jónsson, 22.1.2009 kl. 20:50
Einföld leit á timarit.is leiðir í ljós óvænta niðurstöðu.
Táragas var notað árið 1971 - ekki í tengslum við pólitískar mótmælaaðgerðir, heldur í vopnuðu ráni í versluninni Goðaborg við Freyjugötu þar sem innbrotsþjófurinn var svældur út með táragasi.
Mig grunar að þetta tiltekna innbrot sé öðrum þræði fyrirmyndin að senu í kvikmyndinni Skyttunum.
Stefán Pálsson 22.1.2009 kl. 21:07
Táragas var notað á Siglufirði 1959 að mig minnir, mörg hundruð síldarsjómenn í landlegu mikil drykkja og læti, örfáir lögreglumenn réðu ekki við neitt.
Kveðja
Ari Guðmar Hallgrímsson, 22.1.2009 kl. 21:23
Ja þetta vissi ég ekki. Hélt að táragas hefði einungis verið notað árið 1947
Fróðlegt.
hilmar jónsson, 22.1.2009 kl. 21:28
1949, ekki 1947 ;-)
Björgvin R. Leifsson, 22.1.2009 kl. 21:33
Ah, timarit.is - gott að vita. Var búin að finna þetta út með 1959 og Siglufjörð og svo auðvitað þekkir maður vel atburðina 30. mars 1949.
Anna Ólafsdóttir Björnsson, 22.1.2009 kl. 21:55
Við þetta má bæta að Agnar Kofoed Hansen lögreglustjóri, lét útvega tára og taugagassprengjur (ásamt viðeigandi sprengjuvörpum og ýmsum öðrum vopnum) í miðri Seinni Heimsstyrjöldinni. Þetta var svo fyrst notað á setuliðið í óeirðunum sem brustu út þegar sigur hafði unnist 1945.
Samningur sem Ísland fullgilti um efnavopn 1997 bannaði hinsvegar notkun taugagass svo ekki eru lengur til slíkar sprengjur hér á landi (allavega ef farið er eftir lögum) .
Pétur Guðmundur Ingimarsson 23.1.2009 kl. 02:31