Battle of the Davids - bein útsending: Klukkan ellefu í kvöld, þið sem getið vakað til klukkan eitt ;-)

Þá er það bein útsending um miðnæturskeið (eftir fund hjá mér, eða vinnutengda lotu, eftir því hvort hefur yfirhöndina). Þar sem svo heppilega vill til að tveir bestu söngvararnir eru eftir í American Idol, sem hefur nú ekki alltaf verið raunin, þá verður ábyggilega gaman að horfa í kvöld. Ég vona að þeir félagar syngi einhver skemmtileg lög. Besta frammistaða beggja hefur verið mjög áhugaverð, en á milli hefur komið smá meðalmennska.

Svo er auðvitað freak-show annað kvöld, Eurovisionkvöldið þegar örlög íslenska framlagsins ráðast. Held auðvitað með Íslandi, þótt mér finnist ekki hafa verið rétt valið í úrslit þetta sinnið, þá verður ekki af þeim söngvurum skafið að þau leggja sig öll fram og það skal svo sannarlega virt. Óska þeim alls góðs.

Jamm, það er reyndar eitt lag í keppninni sem komst áfram í gær, sem vert er að halda með, Finnlandi, hef heyrt það af og til í útvarpi og þetta er fantagott lag. Eiríkur Hauks myndi sóma sér vel með þessum strákum.

Athugasemdir

[Linda litla, 21.5.2008 kl. 16:45]

Ég sá ekkert júró í gær, en ég ætla að fylgkjast með annað kvöld.

[Anna Ólafsdóttir Björnsson, 21.5.2008 kl. 16:52]

Var upptekin í gærkvöldi, sá samt smá af Finnlandi og þeir rokka, ekki spurning.