Í tilefni helgarinnar: BOND

Það væri vel við hæfi að hafa Bond-maraþon núna um helgina. Sá seinni helminginn af Live and let die í danska sjónvarpinu áðan, mér fannst Roger Moore alltaf skemmtilegur Bond og er frekar ein um það, húmor og trylltar senur, þótt þær séu heldur stilltari núna 30 árum seinna, en mig minnti. En alla vega, er að horfa á fyrstu Bond myndina með núverandi Bond (Casino Royale), ég vildi fá Clive Owen í hlutverkið, en var því miður ekki höfð með í ráðum. Þannig að við sitjum uppi með lítinn, eyrnastóran nagg sem hefur breytt Bond myndunum í góðar spennumyndir með litlum Bond-sjarma. En alla vega, gaman að horfa á spennumynd á laugardagskvöldi og tilbreyting frá daglegum fréttum. Við Ari sáum Casino Royale í bíói en ég er ekkert viss um að við gerum okkur ferð á þá sem núna er verið að frumsýna.

Skref í áttina - ef þetta kemst af ,,íhugunarstiginu"

Eins og atvinnuástandið gæti orðið á næstunni þá finnst mér þessi hugmynd góð, það er að segja ef hún kemst af íhugunarstiginu. Þótt framkvæmdir kosti alltaf eitthvað þá er dýrara að vera með fjölda manns á atvinnuleysisskrá (annar vasi) og hafa aukið álag á félagsþjónustunni (sami vasi). Þannig að þótt óskameirihlutinn minn sé kannski ekki við völd ákkúrat í augnablikinu, þá líst mér virkilega vel á þessar hugmyndir og vona að þær verði fleiri opinberum aðilum innblástur til hliðstæðra hugmynda - sem verði framkvæmdar, og það án mikilla tafa.

Reykjavík íhugar framkvæmdir