Stolt af því að vera frá landinu þar sem búsáhaldabyltingin var gerð

Mér finnst þetta svo fallegt orð: Búsáhaldabylting. Kannski ég endurveki fegurðarsamkeppni íslenskra orða, seinast sigraði orðið ljósmóðir og það voru einmitt ljósmæður sem náðu fram (að ég held) bestu og réttlátustu kjarabótum síðasta árs. Kannski fylgir lukka sumum orðum - svo framarlega sem merkingin á bak við þau er góð, eins og í þessum tveimur orðum.

Athugasemdir

[Jenný Anna Baldursdóttir, 31.1.2009 kl. 18:14]

Sammála, sum orð eru fallegri en önnur, ljósmóðir er eitt fallegasta orð íslenskrar tungu og þær hafa eitt af mikilvægustu störfum lífsins að gæta.

Búsáhaldabyltingin er svona orð líka.

[Aprílrós, 31.1.2009 kl. 20:20]

Já ljósmóðir er mjög fallegt orð ;)

[Anna Ólafsdóttir Björnsson, 31.1.2009 kl. 20:21]

Vona að það fylgi sama lukka orðinu eins og raunin varð á með ljósmóður.

[Lilja Kjerúlf, 31.1.2009 kl. 20:25]

Þetta orð er náttúrulega bara snilld, vona að það verði notað þegar hinar þjóðirnar taka við sér. Spurning hvort það nái að halda sjarma sínum á öðrum tungumálum.

Búsáhaldabylting á dönsku  kökkengrej-revolution

Búsáhaldabylting á ensku kitchenware-revolution 

[Svanur Gísli Þorkelsson, 31.1.2009 kl. 20:34]

The Household Revolution

[, 31.1.2009 kl. 20:51]

Skemmtilegt orð og vonandi að lukkan fylgi því

[Rauða Ljónið, 31.1.2009 kl. 23:23]

Flokkurinn sem svipti Hafnfirðinga 2500 til 3000 störf þegar þeir börðust á móti stækkun ISALs er tekinn til starfa ,en samt lofuðu þeir störfum á móti þeim sem töpuðust þegar deiluskipulagið var fellt var á sínum tíma hvar eru þau störf?.

Á meðan blæðir Hafnarfjörður og hafnfirskt verkafólk, fjölskyldur missa heimili sín og þið gleðjist er það sjúkt hugsið og svarið.

Kv. Sigurjón Vigfússon

[Anna Ólafsdóttir Björnsson, 1.2.2009 kl. 00:08]

Ég bið fólk sem vill tjá sig í athugasemdakerfinu mínu að halda sig innan velsæmismarka. Annars neyðist ég til að loka á það. Að saka aðra um sjúkt hugarfar vegna þess að það hefur aðrar hugmyndir um atvinnusköpun er ekki stórmannlegt. Áliðnaður er sveiflukenndur, fórnarkostnaðurinn hár, kostnaðurinn við hvert starf mikill og íbúarnir sjálfir mótmæltu þvert á öll flokksbönd.

[Kristin Emelie 1.2.2009 kl. 01:05]

Ég er samála. Nú get ég sagt hvaðan ég kem án þess að skammast mín erlendis. Það má gjarnan einhver koma með þýðingu á orðinu á fleiri tungumállum.

[Rauða Ljónið, 1.2.2009 kl. 02:40]

Ég bið líka  þeir sem segja satt verði útilokaðir eins og  AO segir sannleikurinn er hættulegasta vopnið gegn lýðræðinu þess vegna verður lokað á mig  á þessari síðu, bless og takk fyrir mig lýðræðið er einungis fyrir VG ekki fyrir verkafólk, eins og Anna Ólafsdóttir Björnsson segir.

[Anna Ólafsdóttir Björnsson, 1.2.2009 kl. 18:02]

Skil ekki seinustu athugasemd, fulltrúar verkafólks og lýðræðis eru margir og tjá sig á mismunandi hátt. Þakka alla góða umræðu sem fram hefur komið.