Í samhengi heimsins

Ég hvet til þess að við fylgjumst líka með heimsfréttunum, þar er alvarleg staða víða, þótt auðvelt sé að drukkna í heimafréttunum, mjög auðvelt reyndar. Vonandi hafa þeir rétt fyrir sér sem telja að kjör Obama muni hafa jákvæð áhrif á heimsviðskiptin, það kemur öllum til góða, líka okkur. Víða er panik og misvitrir stjórnmálamenn víðar en á Íslandi, en það er verið að reyna mjög ákaft að koma böndum á ástandið.

Athugasemdir

[Linda litla, 10.10.2008 kl. 16:50]

Ég er alveg búin að gefast upp á fréttum, ég get ekkert gert í þessum málum. Ef að ég hætti að fylgjast með þá er ég a.m.k. ekki að pirra mig yfir þessu og draga mig niður.

Vil sleppa því að fylgjast með og reyna að brosa í staðinn.

[Anna Ólafsdóttir Björnsson, 10.10.2008 kl. 17:02]

Heyrði í mínum heittelskaða í gær (ég elska tölvusíma) og hann sagði að fólki væri ráðlagt að fylgjast ekki stöðugt með fréttum, heldur í hæsta lagi 3svar á dag. Hef ekki séð þetta, en hljómar skynsamlega. Erfitt fyrir fréttafíkil eins og mig, en ... ég hef náð ótrúlega vel að vinna í verkefnunum sem ég tók með hingað til Ameríku, svona á milli frétta.