Heimkomur

Heimkoma Paul Rames í nótt er mikið fagnaðarefni og vonandi verður framhald málsins jafn ánægjulegt. Vona að það vefjist ekki fyrir neinum að hér á þessi ágæta fjölskylda heima.

Á morgun verður annarri heimkomu fagnað þegar landsliðið kemur heim með sigursilfrið sitt. Smáþjóðarhjartað í mér gleðst einlæglega.

Enn eitt ,,heimkomu"-dæmi er oftarlega í huganum núna. Mér, eins og fleirum, finnst að Bandaríkjamenn hafi verið heillum horfnir undir Bush-stjórninni. Eina leiðin til nýrrar ,,heimkomu" sé að kjósa Obama í nóvember sem forseta Bandaríkjanna. Nú er hvatt til einingar en mjótt er á mununum í könnunum og það er auðvitað svolítið kvíðvænlegt, en ég held þó að þetta fari allt vel að lokum.

 

Athugasemdir

[Ingvar, 26.8.2008 kl. 15:13]

Á meðan Paul Rames málið var í hámælum  fyrr í sumar, var mikið gagrýnt á Björn Bjarnason dómsmálaráðherra, menn og konur kröfðust afsagnar hann og ég veit ekki hvað.  Núna hefur dómsmálaráðuneytið úrskurðai í málinu en ég hef ekki séð neinn þakka Birni Bjarnasyni fyrir það. Ekki einu sinni Paul og fjölskyldu.

IHG 

[Anna Ólafsdóttir Björnsson, 26.8.2008 kl. 15:20]

Jú, jú, það var talsvert um slíkt og ein fyrstu viðbrögðin við fréttunum var ágætur pistill frá Birgittu Jónsdóttur þar sem hún segir í fyrirsögn að Björn eigi þakkir skyldar. Hér er hlekkur á þá færslu: http://birgitta.blog.is/blog/birgitta/entry/621670/

[Ingvar, 26.8.2008 kl. 15:24]

Reyndar þakkar hún bara Birni en sérstaklega þakkar hún þjóðinni , en sleppir því að taka fram hvaða Birni sé verið að þakka.

IHG 

[Anna Ólafsdóttir Björnsson, 26.8.2008 kl. 15:56]

Það fer ekkert á milli mála hvað hún á við.

[Kristján Kristjánsson, 26.8.2008 kl. 16:23]

Ég hef séð marga hörðustu andstæðinga Björns hrósa honum vegna þessa máls.

[Ingvar, 26.8.2008 kl. 20:47]

Ljóst er að Björn Bjarnason hefur unnið að þessu máli af fagmensku líkt og hann hefur gert í öllum málum.

IHG

[Kristján Pétursson, 26.8.2008 kl. 21:47]

Vissulega er heimkoma Paul Rames mikið fagnaðarefni,nú hefur fjölsskyldan sameinast.Björn Bjarnason á þakkir skilið fyrir að ákveða að mál Paul skuli verða til lykta leitt hér á landi.Hann fær væntanlega dvalarleyfi á meðan mál hans verður til meðferðar hjá Útlendingastofnun.Ég leyfi mér að trúa því að málið fái farsælan enda.

[Aprílrós, 26.8.2008 kl. 23:17]

Sá fréttina í kvöld um þegar hann kom heim sl nótt hann Paul, og ég gtét með litlu fjölskyldunni.

[Anna Ólafsdóttir Björnsson, 27.8.2008 kl. 01:03]

Þessi frétt var afskaplega táknræn um það hversu nauðsynlegt er að gera fjölskyldum kleift að vera saman og búa við öryggi.