Vetrarfegurð enn og aftur og mjög ,,selectívt" minni

Er svolítið heilluð af því hversu fallegur þessi vetur ætlar að verða, þessa fáu stilludaga sem við höfum fengið. Gleymast stormar og leiðindabálviðri, sem ég hef reyndar lítið þurft að ögra þar sem aðalvinnustaðurinn minn er háaloftið heima. Þetta kallast víst að hafa ,,selectívt" minni, svo ég brjóti nú allar reglur um að grauta ekki saman enskri og íslenskri stafsetningu. Það er notalegt að skrifa stundum á þessum afslappaða bloggvettvangi, þar sem ég hef áskilið mér rétt til að nota ritað talmál.

Langt síðan ég hef heillast svona mikið af fannfergi og vetrarham, en samt hlakka ég til að komast til Kanarí og geta farið í langar gönguferðir í sól og hita smá tíma.

Hér eru svipmyndir dagsins, sem urðu til á leiðinni úr prentsmiðjunni (Álftanes - Oddi - Prentmet - Álftanes verður rúnturinn hjá mér á næstu mánuðum).  

 

 

 

 

 

 

 

 

 

Flestir koma að Bessastöðum úr hinni áttinni, en þessi er ,,álftanesísk".

 

 

 

 

 

 

 

 

 

Vetrarbirtan er dularfull. Horft yfir lítt snortinn hluta Norðurnessins. 

 

 

 

 

 

 

 

 

 

Og af því ég á svona falleg blóm í vasa í vetrarlitum fylgja þau með ... 

Athugasemdir

[Anna Ólafsdóttir (anno) 30.1.2008 kl. 17:15]

Eins og ég er lítið fyrir þessa árstíð þá líkar mér best við froststillur. Það er óstöðugleikinn sem fer verst í mig. Fallegar myndir. Takk fyrir að deila

[Anna Ólafsdóttir Björnsson, 30.1.2008 kl. 17:52]

hef mjög blendnar tilfinningar í garð þessarar árstíðar, fíla myrkrið í botn en ekki hálkuna sem kemur með kvöldinu, finnst skært ljós óþægilegt en elska sumar snjómyndirnar sem ber fyrir augu ... skrýtið!

[Jenný Anna Baldursdóttir, 30.1.2008 kl. 23:39]

Yndislegar myndir og hér er smá gjöf til þín.

[Anna Ólafsdóttir Björnsson, 1.2.2008 kl. 11:03]

Himneskt lag, takk, Jenný.