Enginn ætlar að hætta að borða lakkrís um áramótin ... :-]

Kosturinn við að vera með eigið blogg (einn af mörgum) er sá að það er hægt að setja eins mikið af misgáfulegum skoðanakönnunum inn. Ég ætla bara að vekja athygli á þeirri um áramótaheitin, sem enn er við lýði, og einkum finnst mér athyglisvert að enginn ætlar að hætta að borða lakkrís um áramótin, en margir (flestir) að hætta að vera svona góðir.

Þetta með lakkrísinn flaut reyndar með af sögulegum ástæðum. Þegar mér var sagt, fyrir rúmlega ári, að nú yrði ég að hætta að borða lakkrís, þá varð ég að svara því til að það gæti ég ekki gert. Læknirinn minn varð svolítið skrýtinn á svipinn, svo ég flýtti mér að bæta því við að ég borðaði ekki lakkrís og því gæti ég ekki hætt. Þetta eru reyndar sams konar hártoganir og í Lísu í Undralandi, þeirri sem ég las þegar ég var lítil, sem var spurði í geggjaða teboðinu hvort hún vildi meira te, en hún sagðist ekki geta fengið meira te af því hún hefði ekki fengið neitt enn.

En alla vega, takið þátt ef þið viljið í áramótaheita-könnuninni, ég skipti henni eflaust fljótlega út. Jólapakka, -stress, -ekki-breyta-neinu- könnunin var vinsælli hvort sem er. 

Athugasemdir

[Helga 7.1.2008 kl. 01:31]

Ég kaus niðurstöður.  

[Anna Ólafsdóttir Björnsson, 7.1.2008 kl. 02:08]

Nokkuð góð, þannig að ég verð að handskrá að niðurstöður hafi fengið eitt atkvæði!

[Jenný Anna Baldursdóttir, 7.1.2008 kl. 08:51]

Að strengja aldrei áramótaheit framar, sem er nú reyndar ekki alveg rétt því orðinu "framar" er ofaukið.  Ég hef aldrei strengt áramótaheit.

Knús

[Brjánn Guðjónsson, 7.1.2008 kl. 10:24]

sammála síðasta ræðumanni

[Júlíus Valsson, 7.1.2008 kl. 11:08]

Lakkrís er lífsnauðsynlegur. Ég skil vel að það getur verið erfitt að hætta. Þetta er merkilegt efni og þekkt er að lakkrís í miklu magni getur haft ýmsar aukaverkanir o valdið kalíumskorti og háþrýstingi, sem er ekki hollt. Hér er ágæt grein um lækkrís.

[Steinunn Helga Sigurðardóttir, 7.1.2008 kl. 21:02]

lakkrís frá íslandi er algjört æði !!!

skil ekkert í þér að borða hann ekki.

Ljós til þín

steina

[Svala Erlendsdóttir, 8.1.2008 kl. 11:08]

Þetta eru nú soldið skemmtileg áramótaheit í könnuninni þinni  Ég gerði það í nokkur ár að strengja heit en með árunum sá ég að ég reyndi ekkert að halda þau nema kanski í einn mánuð. Svo ég er bara löngu hætt að strengja heit. Ég kaus samt að ég ætlaði að hætta að vera svona góð og þá meina ég við aðra, er að hugsa samt að verða betri við sjálfa mig

[Anna Ólafsdóttir Björnsson, 8.1.2008 kl. 12:03]

Gaman að sjá hve vel er haldið uppi vörnum fyrir lakkrísinn. En ég held það sé engin tilviljun að ,,hætta að vera svona góð(ur" slær í gegn, því það er svolítið sannleikskorn í því að of margir finna sig í því að vera að þóknast öðrum. Svala bendir einmitt á hvernig það lýsir sér og undir það hafa greinilega margir tekið.

[Linda litla, 8.1.2008 kl. 15:33]

Já það er erfitt að hætta því sem að maður hefur aldrei gert.