Jólakveðjur til ykkar allra

Aðfangadagur að renna upp og ég vona að þið njótið jólanna, samverunnar með ástvinum og hátíðarskapsins sem fylgir jólahátíðinni. Fékk skemmtilega kveðju frá Irenu vinkonu minni í dag, sem ég kynntist í Belgrad þegar við vorum sitthvoru megin við tvítugt. Gaman að frétta af henni, næstum að það hefði verið tilvinnandi að mæta í skötuna og spyrja hann Ingva sem skilaði kveðjunni meiri frétta af henni. Irena er hálf íslensk og hálf serbnesk, flinkur ljósmyndari og yfir höfuð mjög skemmtileg manneskja. Merkilegt að hitta hana þegar ég fór til Belgrad árið 1974 og kynnast henni þar. Hún er enn með alla vega annan fótinn í Serbíu og ég hlakka til að heyra meira af henni. Veit ekki einu sinni hvort hún heldur upp á jólin 24. desember eða 6. janúar í þetta sinn (eða hvort tveggja).

Athugasemdir

[Jens Sigurjónsson, 24.12.2007 kl. 04:59]

Gleðileg jól.

[Anna Ólafsdóttir (anno) 24.12.2007 kl. 12:23]

Óska þér gleði og gæfuríkra jóla mín kæra bloggvinkona.

Ef þetta er Irena sem líka fékkst við kennslu hér í den og hefur verið túlkur fyrir serbneskt flóttafólk sem hingað hefur komið þá bið ég kærlega að heilsa henni, nú ef ekki þá bið ég bara líka að heilsa henni  Takk fyrir skemmtilega og gefandi bloggvináttu, hafðu það sem best mín kæra

[Þorkell Sigurjónsson, 24.12.2007 kl. 12:32]

Gleðileg jól.

[Linda litla, 24.12.2007 kl. 13:13]

Gleðileg jól elsku bloggvinkona. Megi jólin vera yndisleg hjá þér í faðmi fjölskyldunnar.

[Norður Eyvindarstaðir 24.12.2007 kl. 13:23]

Gleðileg jól  til ykkar allra

Frændfólk af torfunni 

[Álfhóll, 25.12.2007 kl. 12:49]

Gleðileg jól gamla systir úr baráttunni og bara yfirleitt gleðilegt líf.

kv.

Guðrún