Kosningu um fegursta orð íslenskrar tungu lýkur á miðnætti næstkomandi mánudag

Kosningu um fegursta orð íslenskrar tungu lýkur á miðnætti næstkomandi mánudag. Kærleikur hefur tekið nauma forystu eftir að ljósmóðir hefur leitt, einnig naumlega, alla keppnina. Vonir dalalæðu fara þverrandi, þó hef ég frétt af því að rekin sé öflug kosningabarátta fyrir þetta ágæta orð í þriðja sætinu, en hvort það dugar til að breyta einhverju er álitamál, munurinn er orðinn það mikill. Önnur orð hafa minna fylgi og munurinn er mikill. Andvari er sem fyrr í fjórða sæti og gleym-mér-ei í því fimmta. Enn er hægt að taka þátt en stundunum fer fækkandi.

Athugasemdir

[Bergrún Íris Sævarsdóttir, 28.7.2007 kl. 19:09]

já íslenskan á mörg falleg orð. Andvari er yndislegt orð.. fær mitt atkvæði hiklaust

[LKS - hvunndagshetja, 28.7.2007 kl. 19:25]

Æi, ég er næstum búin að missa af þessari sniðugu keppni, ég gef dalalæðunni mitt atkvæði, en vildi svo falast eftir nýrri keppni/leit þar sem leitað verður að mikilúðlegasta orði íslenskunnar. hmmm?

[Anna Sigríður Guðmundsdóttir, 28.7.2007 kl. 22:37]

Ég hefði valið  birta og ylur en ég valdi af listanum  Friður.  Frábært hjá þér.kv.

[Guðríður Hrefna Haraldsdóttir, 28.7.2007 kl. 22:55]

Argggg, ljósmóðir er komin með fleiri atkvæði! Held með kærleiknum! Spennandi!

[Kristján Pétursson, 28.7.2007 kl. 23:45]

Ég held mig enn við gleym - mér - ei.Er það ekki ósk flestra að fólk muni eftir manni.Þetta var góð hugmynd hjá Anna að leita að fegursta orði móðurmálsins.

[Anna Ólafsdóttir Björnsson, 29.7.2007 kl. 21:52]

Takk fyrir að standa vaktina á meðan ég brá mér af bæ. Ég sé að lokaspretturinn er að verða óbærilega spennandi.

[Einar Matthíasson 30.7.2007 kl. 11:16]

Mér finnst að ljósmóðir eigi að vera fallegasta orðið.

Ég gef því orði mitt atkvæði.

[Margrét Albertsdóttir 30.7.2007 kl. 14:45]

blær

[Stína Leifs 30.7.2007 kl. 16:25]

Ég gef Ljósmóðir mitt atkvæði sem fegursta orð íslenskunar. Frábært framtak hjá þér Anna . Takk fyrir  mig.

Kv. Stína Leifs á Hvolsvelli.