Æsispennandi framhaldssaga um vottun á launajafnrétti - 2. kafli

Búin að finna meira um það sem ég heyrði í hádegisfréttum. Fann þetta á síðu 4 í mogganum í dag (pappírsútgáfunni). Sem sagt, fjölmörg fyrirtæki hafa lýst yfir áhuga á tillögum samráðshóps félagsmálaráðherra um vottun á jafnlaunastefnu og fjögur vilja fá svona vottun þegar í stað - bæði opinber og einkafyrirtæki! Þetta verður gæðastimpillinn þeirra. Glæsilegt. Mér finnast þetta vera stórfréttir! Félagsmálaráðherra var að kynna málið í gær ásamt fólki frá Háskólunum í Reykjavík og á Bifröst. 

Þá þarf bara að ráðast að launaleyndinni, sjá kafla 3. í þessari æsispennandi framhaldssögu. Ég vona að hann verði birtur sem allra fyrst. VG eru líklegastir til að gera eitthvað í því máli og ég held að stór hluti Samfylkingarinnar eigi samleið með okkur hvað það varðar, vona alla vega að hægri armurinn hjá þeim sé ekki of stór, nei é g hef tröllatrú á þetta gæti gerst á næstu árum komist réttir flokkar til valda. 

 

Athugasemdir

[Jenný Anna Baldursdóttir, 17.4.2007 kl. 22:15]

Vilji er allt sem þarf og nottla það lítilræði að setja X við VG

[Anna Ólafsdóttir Björnsson, 17.4.2007 kl. 22:32]

Já, það er auðvitað öruggast, ég hlakka svo til að kjósa.