Rauða hárið hans Eiríks

Aðeins yfir í afþreyinguna, þótt af nógu sé að taka af alvarlegri viðfangsefnum. Eurovision nálgast, í fyrra var ég í hópi þeirra sem fannst Silvía Nótt skemmtilegt framlag, þótt ég sé ekki aðdáandi tónlistarinnar hennar. Núna er framlagið hins vegar meira í anda fágaðs þungarokks og þar með meira fyrir minn smekk (mætti vera hrárra en þetta er fínt!). Sá eitthvert ramakvein hér á blogginu um að Eiríkur Hauksson væri ekki lengur með rauðan makka í Eurovision laginu. Óvenju spennt í þetta sinn, ekki síst af því að einn af ágætum vinum dóttur minnar í Ungverjalandi er höfundur og einnig af því nú fær Eiríkur að vera almennilegur þungarokkari. Ég vona að það sé bara myndvinnslan sem hefur svift Eirík rauða makkanum. Þótt ég hafi séð enn flottari rauða makka en Eiríkur státar af, þá er þetta auðvitað ekkert nema flott vörumerki. Hef aldrei tekið Eurovision alvarlega, en ég held svei mér þá að mér sé ekki alveg sama í þetta sinn.

Athugasemdir

[Jenný Anna Baldursdóttir, 12.3.2007 kl. 21:59]

Get tæpast talist Júróvisjónaðdáandi heldur,  en í fyrra skemmti ég mér konunglega yfir Silviu Nótt.  Ágústa lék hlutverkið af mikilli snilld og datt aldrei úr karakter.  Eiríkur rauði er gamall rokkhundur og agjör dúndrari og það verður gaman að fylgjast með honum.  Er ekki annars rétt að Júróvisjón verði á kjördag.  Hvað er verið að sullast með dægurlagakeppni á þeim merkisdegi ef svo er?

[Anna Ólafsdóttir Björnsson, 12.3.2007 kl. 22:07]

Hafði nú ekki áttað mig á þeirri merkilegu staðreynd, ef svo er (fletti upp) alveg rétt, sama kvöldið! Jæja, dóttir mín fór í inntökupróf fyrir læknadeildina í Debrecen í Ungverjalandi um áttaleytið að KVÖLDI kjördags í fyrra, eftir að hafa verið á fullu í kosningabaráttunni (haldið úti vef hér á Álftanesi fyrir Álftaneshreyfinguna okkar) og við unnum samt vel þeginn sigur og eigum núna vinstri grænan bæjarstjóra!!! Vona að það viti á gott að tvíbóka kvöldið svona.

[Guðríður Hrefna Haraldsdóttir, 12.3.2007 kl. 22:38]

Þetta verður tvöföld hátíð! Missti af laginu í Kastljósi ... vaki kannski yfir endurtekningunni, nema ég geti séð lagið á Netinu.

[Anna Ólafsdóttir Björnsson, 12.3.2007 kl. 23:01]

Lagið er á netinu, aftast í Kastljósi, þannig fann ég það, og það er þruma.

[Guðríður Hrefna Haraldsdóttir, 13.3.2007 kl. 18:18]

Búin að sjá lagið ... það er ÆÐI!!!

[Kristján Pétursson, 13.3.2007 kl. 18:24]

Ég er búinn á blogginu mínu að lýsa hvernig  klæðaburður Eiríks verður á eurovision.Sannkallaður víkingabúningur frá toppi til táar.Látið mig heyra álit ykkar.

[Anna Ólafsdóttir Björnsson, 13.3.2007 kl. 20:19]

Tékkaði á blogginu hjá Kristjáni og lýsingin er bara glæsileg, sammála því að Eiríkur hefur fasið sem þarf til.