Veljið þau orð sem kosið verður um í keppninni um fegursta orð íslenskrar tungu - valið stendur næstu daga

 Á níunda tug tilnefninga hafa komið í keppnina um fegursta orð íslenskrar tungu. Hér að neðan er listinn en látið vita ef ég hef misst af einhverri tilnefningu. Nýjar tilnefningar eru hins vegar ekki leyfðar lengur. Næstu daga (fram á fimmtudagskvöld) bið ég ykkur að velja þau 10 orð sem þið styðjið í þessari keppni og láta vita í athugasemdakerfinu. Nú þegar hafa 7 manns lýst yfir stuðningi við orðin kærleikur og ljósmóðir. Allar tilnefningarnar komu í athugasemdakerfið, nema sigurvegari úr miklu minni keppni sem var haldin fyrir ári, blikur.  

Almætti

Andvari (5)

Ást (3)

Barn (2)

Baugalín (2)

Ber

Blikur (2)

Blær(3)

Boðberi (2)

Brigsl

Dalalæða (4)

Dásemd(2)

Dís (2)

Djúp (5)

Dögg (2)

Eilífð (3)

Eirð

Englasöngur

Firrð (3)

Fjaðrablik (2)

Fjalldrapi

Fjarski (2)

Fjóla

Frelsi (2)

Friður (3)

Gjálífi

Gleði (2)

Gæska (3)

Himinblámi (2)

Hittiðfyrradagur

Hjálpsemi

Hnúkaþeyr 

Hógværð

Hrynjandi (3)

Hunang

Hvanndalafossar

Jæja

Kakkalakki

Kona (2)

Kærkominn

Kærleikur (8)

Líf (4)

Ljóð

Ljósmóðir (12)

Ljósvaki (2)

Ljúflingur

Mamma (2)

Miskunn 

Morgunroði

Móðir (2)

Nauðlending

Nenna

Nótt (3)

Orð (2)

Óðfluga (2)

Óstjórn

Röst 

Samhygð

Samkennd (3)

Samstarf

Skrautfjöður

Snjóþekja

Sonatorrek 

Sól

Sólargeisli

Sólskríkja (2)

Straumur

Streymi

Sumar

Svif

Sæll (2)

Taktur

Túnfífill

Unaður (2)

Undur (2)

Vinabönd

Vinátta (2)

Viska (3)

Von (5)

Vor

Yndi (2)

Þel (2)

Þingvellir

Þoka

Þýða

Æska

Öndvegi (2)

 

 

75 orð hafa verið tilnefnd í keppninni um fegursta orð íslenskrar tungu - ljósmóðir hefur forystu og kærleikur í öðru sæti - kakkalakki hefur aðeins fengið eina tilnefningu (eins og flest hinna orðanna) - og svo er líf utan orðanna

Núna eru aðeins tæpir tveir tímar til miðnættis og þá hætti ég að taka við tilnefningum um fegursta orð íslenskrar tungu. Þá hefst kapphlaupið hvaða orð komast í aðalkeppnina. Mörg skemmtileg orð hafa fengið tilnefningu, falleg, skrýtin, óvenjuleg og formfögur. Þegar ég sá að kakkalakki var tilnefnt, þá rifjaðist upp fyrir mér mjög skemmtilegur atburður sem gerðist hálfa leið uppi í Hekluhlíðum þegar ég var þar á ferð með tveimur finnskum vinum mínum. Kónguló, sagði ég þegar ég var beðin um að segja þeim hvað ,,spider" væri á íslensku. Kónguló, kónguló, sögðu þeir og hlógu svo rosalega að ég var að hugsa um hvað í ósköpunum þetta þýddi á finnsku.

En orð eru ekki allt, þótt þau séu virkilega merkileg fyrirbæri. Ég er auðvitað enn í losti yfir dóminum yfir nauðgaranum á Hótel Sögu og svo finnst mér auðvitað mjög erfitt að sjávarútvegsmálin skuli vera í jafn mikilli kvótakreppu og raun ber vitni. Mótvægisaðgerðir eru ekki sérlega skýrar enn, þannig að þetta er auðvitað svolítið óskýrt.

Listi yfir tilnefningar um fegursta orð íslenskrar tungu - og tæplega þrjár stundir eftir þar til lokað verður fyrir tilnefningar

Hér er listinn yfir tilnefningar þegar innan við þrjár stundir eru eftir þar til lokað verður fyrir þær. Takið afstöðu og sendið inn seinustu orðin.

Almætti

Andvari (2)

Ást 

Barn

Baugalín

Ber

Blikur 

Blær 

Boðberi

Brigsl

Dalalæða (3)

Dásemd

Dís

Djúp

Dögg

Eilífð (2)

Eirð

Englasöngur

Firrð

Fjaðrablik

Fjalldrapi

Fjarski

Fjóla

Frelsi

Friður

Gjálífi

Gleði

Gæska

Himinblámi 

Hittiðfyrradagur

Hjálpsemi

Hnúkaþeyr 

Hógværð

Hrynjandi

Hunang

Hvanndalafossar

Jæja

Kakkalakki

Kona

Kærkominn

Kærleikur (7)

Líf

Ljóð

Ljósmóðir (7)

Ljósvaki

Ljúflingur

Mamma

Miskunn 

Morgunroði

Móðir

Nauðlending

Nenna

Nótt

Orð

Óðfluga

Óstjórn

Röst 

Samhygð

Samkennd (2)

Samstarf

Skrautfjöður

Snjóþekja

Sonatorrek 

Sól

Sólargeisli

Sólskríkja

Straumur

Streymi

Sumar

Svif

Sæll

Taktur

Túnfífill

Unaður (2)

Undur

Vinabönd

Vinátta

Viska

Von

Vor

Yndi

Þel

Þingvellir

Þoka

Þýða

Æska

Öndvegi (2)

 

Yfirbragð eða merking? Fegursta orð íslenskrar tungu valið

Ég hef fengið margar skemmtilegar tilnefningar og athugasemdir í leitinni að fegursta orði íslenskrar tungu. Rökstuðningurinn sem fylgir tilnefningunum er svo skemmtilegur og oft svo fallegur líka. Og svo koma spurningarnar: Eiga tilnefningarnar að byggjast á merkingarlegri fegurð, eða hljóðfræðilegri? var ein spurningin sem ég fékk. Því er til að svara að keppnin lýtur sínum eigin lögmálum og fer þangað sem þátttakendurnir leiða hana. Mitt er eingöngu að leggja til rammann. Mér sýnist á tilnefningunum að hvort tveggja ráði för, ekki síður merkingin, það eru æði mörg jákvæð og skemmtileg orð tilnefnd. Húmor og vangaveltur um tungumálið hafa líka greinilega áhrif.

Í fyrri tilraunum mínum, sem aldrei náðu þessu flugi sem við erum komin (saman) á núna, þá held ég að hljóðfræðileg fegurð hafi algerlega ráðið ferð. Mig minnti endilega að himinblámi sem Gurrí tilnefndi hefði sigrað, en það orð fékk bara 3% atkvæða. Blikur var orðið sem sigraði þar, jöfn í öðru og þriðja sæti voru öldugjálfur og brynja. 

Tvöfalt afmæli truflaði mig í að taka saman lista yfir þær tilnefningar sem eru komnar inn, en þær eru allar sjáanlegar í athugasemdakerfinu. Spurning hvort ég á að raða orðunum eftir því hvenær tilnefningar bárust eða í stafrófsröð? Auðvitað væri mest gaman að raða þeim eftir því hvernig þau passa saman, mér finnst til dæmis varla hægt að setja saman orðin jæja og himinblámi. En eflaust er það smekksatriði. Röðun er merkilegt fyrirbæri, bæði í nýja faginu mínu, tölvunarfræði, og eins í hugvísindum og listum, þar sem ég á bakgrunn. Bara eitt atriði, hvernig fólk raðar bókunum sínum í hillur, er heilmikil stúdía.

Frumlegar, skemmtilegar og nýjar tilnefningar í keppninni um fegursta orð íslenskrar tungu

Það er ekkert smá skemmtilegt að sjá tilraunina sína um að finna fegursta orð íslenskrar tungu komna á fljúgandi flug. Enn eru að koma inn tilnefningar - en ég tók kúnstpásu og ákvað að sofa aðeins í stað þess að blogga í gærkvöldi - af því flugi dóttur minnar frá Köben seinkaði allverulega. Þannig að um þrjú leytið í nótt stóð ég frekar mikið syfjuð og beið eftir að hitta Ungverjann okkar í Leifsstöð. Var búin að kría út 2-3 tíma svefn og náði öðru eins fyrir vinnu, þannig að það er stundum gagnlegt að sleppa blogginu eitt og eitt kvöld.

En það liggur fyrir smá vinna að koma saman ábyrgum lista yfir allar tilnefningar g birta hér á blogginu, nokkur orð eru þegar orðin vinsælli en önnur, ég held að orðið ljósmóðir sé komið með forystuna. Enn er opið fyrir nýjar tilnefningar og verður fram á sunnudagskvöld.

Orðin streyma inn - tilnefnið fegursta orð íslenskrar tungu fram á sunnudagskvöld

Viðbrögðin við beiðni minni um að tilnefna fegursta orð íslenskrar tungu hafa verið mjög góð. Ég lofaði að birta tilnefningar jafnóðum og hér er afraksturinn í lok 4. júlí.

Jæja

Nenna

Óstjórn

Samstarf

Samkennd

Ljósmóðir (3)

Öndvegi

Unaður (2)

Kærleikur

Ást

Sól

Vor

Óðfluga

Orð

Yndi

Fjóla

Dís

Taktur

Sólskríkja

Mamma

Ljúflingur

Tekið verður við fleiri tilnefningum fram á sunnudagskvöld í athugasemdum við þessa færslu eða næstu á undan. Þá tekur við stutt tímabil þar sem fólk getur lýst yfir stuðningi sínum við einstakar tilnefningar. Tvö orð hafa nú þegar fengið fleiri en eitt atkvæði. 

Tilnefnið fegursta orð íslenskrar tungu

Eins og ég lýsti á blogginu í gær þá hef ég gert tvær mis-mislukkaðar tilraunir til að koma á keppni um hvert sé fegursta orð íslenskrar tungu. Fékk bara nokkuð góðar undirtektir og þar af leiðandi ætla ég að reyna í þriðja sinn, allt er þegar þrennt er. Bún að fá tvær tilnefningar, mjög skemmtilegar:

Jæja og nenna

Flott orð. Á hinu blogginu mínu var kominn vísir að vinsældarlista íslenskra orða þannig að ég á smávegis í handraðanum. En hér er fyrirkomulagið:

1. Opnað hefur verið fyrir tilnefningar, endilega setjið tilnefningar í athugasemdir.

2. Nýjustu tilefningar eru kynntar jafnóðum.

3. Endilega lýsið yfir stuðningi við einstök orð.

4. Þegar marktækur hópur orða liggur fyrir (helst með stuðningi sem flestra) þá eru þau vinsælustu sett á skoðanakönnunarsvæðið.

5. Svo er bara að sjá hvernig atkvæðin leggjast ... og sigurvegarinn verður kynntur í lokin.

6. Það fer eftir þátttöku hve lengi hægt verður að setja inn tilnefningar og hvenær úrslit liggja fyrir.

Og svo bara bíð ég eftir tilnefningum! 

 

Mike McGear/McCartney fundinn - í Mogganum

Dyggir lesendur vita að ég hef verið í miklum eltingaleik út um allan heim að reyna að hafa upp á Scaffold plötunni Fresh Liver. Þeirri leit lyktaði farsællega með því að ég fann hana og fékk senda einhvers staðar utan úr heim, svolítið dýrari en seinast, en vel þess virði. Inn í þetta blönduðust vangaveltur um afdrif hljómsveitarmeðlima, sem ekki verða frekar raktar hér, en hvað gerðis? Þegar ég fletti Mogganum núna fyrir svefninn, er ekki Mike McGear fundinn, og búinn að taka aftur upp rétt eftirnafn eins og Páll bróðir hans. Nú er hann sem sagt menningarfrömuður í Liverpool og með Andra Snæ í nefnd. Gaman að heyra af honum, svona glóðvolgar fréttir. Eini gallinn við færslur á netinu er að það er misauðvelt að aldursgreina þær, allt er hægt, en er maður að hafa fyrir því?

Fótboltamaður fundinn, Gurrí kom mér á sporið!

Þá er hann fundinn, myndlistarmaðurinn sem ég var að tala um í næstu færslu á undan. Gurrí kom mér á sporðið með því að segja mér að hann væri að sýna í Kirkjuhvöli á Akranesi. Endilega að sjá þessa sýningu.  Listamaðurinn heitir Sigurþór Jakobsson er er greinilega enginn nýgræðingur, er að sýna í níunda sinn, en ég bara vissi ekki um hann, svei mér þá. Hér er linkur á síðuna hans. Þar eru ýmsar fleiri myndir sem mér finnst mjög áhugavert að skoða og vonandi ykkur hinum líka. 

Fótboltakappi með áhugaverða myndlistarsýningu

Þarf endilega að endurspila 10-fréttir RUV, ekki vegna pólitískra tíðinda, heldur til að leita að frekari upplýsingum um myndlistarmanninn sem mér heyrist að hafi verið í ÍA. Sýndar voru nokkrar af myndum hans á sýningu og ég verð að viðurkenna að það er langt síðan nýr myndlistarmaður (eða nýuppgötvaður í mínum bókum alla vega) hefur gripið athygli mína jafn skjótt. Hreyfingin, karakterinn og töfrarnir í myndum hans náðu til mín. Nú er ég búin að nauðkemba Skessuhorn án þess að finna meira um þessa sýningu, en ég þarf rétt að skreppa á milli stýrikerfa til að spila aftur 10-fréttirnar. Þessa sýningu langar mig að sjá og ennfremur að fá að vita meira um myndlstarmanninn. Kannski getur mín góða vinkona Gurrí upplýst meira, enda með himneskt útsýni yfir ÍA völlinn.