Að eiga skemmtilegar ólesnar bækur - þá er ýmislegt í lagi

Nú á ég tvær æsispennandi ólesnar bækur, sem ég hlakka ekkert smá til þess að lesa. Hanna mín reyndar búin að næla sér í aðra, en hún er sæmilega snögg að lesa spennusögur, það er sagan hans Árna Þórarinssonar, sem gerist víst á Ísafirði núna, hin hljómar ekki síður vel: Karlar sem hata konur (og ég sem  hélt að það væri sjálfshjálparbók, dö!). Það er alveg ótrúlega jólalegt að liggja í rúminu með góðri samvisku og lesa góða bók.

Athugasemdir

[Guðríður Hrefna Haraldsdóttir, 27.12.2008 kl. 00:07]

Karlar sem hata konur er með skemmtilegri krimmum sem ég hef lesið. Spennandi og bara frábær! Þú verður ekki svikin af henni.  Árni er náttúrlega frábær að vanda og Hanna á ábyggilega eftir að skemmta sér vel yfir henni. 

Kveðja í bæinn!

[Hildur Helga Sigurðardóttir, 27.12.2008 kl. 01:50]

Búin með Sjöunda son Árna, fannst hann fínn og gaman að lesa krimma sem gerist á Ísafirði.  Næst er það Ofsi Einars Kárasonar, Sturlungudrama.

Er síðan endanlega fallin fyrir Kvenspæjarasögunum frá Botswana -dásamleg afþreying !

Jólabókakveðjur,

[Jenný Anna Baldursdóttir, 27.12.2008 kl. 13:43]

Karlar sem hata konur algjörlega brilljant.

[Aprílrós, 27.12.2008 kl. 17:00]

jamm

[Aprílrós, 27.12.2008 kl. 17:01]

úps átti ekki að fara hingað þetta jamm hehe.

Góða skemmtun við bókalesturinn , til þess eru jólin að lesa .

[Anna Ólafsdóttir Björnsson, 27.12.2008 kl. 20:45]

Þá ætla ég að fara að lesa Karla sem hata konur, búin með Auðnina hennar Yrsu og hún kom með ákveðið óvænt í lokin, en gaf dálítið mikið upp jafnóðum, samt góð.

[Anna Ólafsdóttir Björnsson, 27.12.2008 kl. 20:48]

En talandi um kvenspæjarana, var byrjuð á þeim á ensku áður en þeim fór að snjóa inn með Uglu-klúbbnum. Jamm, ég hef gaman af þeim, en bíð ekki með óþreyju eftir næstu bók, viðurkenni það, og á einhverjar ólesnar enn. En ekki ósátt við þær. Það var gamall Breti sem ég hitti í Bexhill-on-sea sem kom mér á bragðið og fyrsta bókin sem ég las var skemmtilegust.