Dollarinn í 95 krónur ...

Þessa fyrirsögn sá ég fyrir nokkrum vikum í Mogganum. Fannst hún ekki þægileg, einkum þar sem ég ætla að skreppa til Ameríku eftir tvær vikur. En huggaði mig við það að blaðið sem ég var að skoða var frá því á vordögum 2001. Þegar ég var að lesa þetta núna í sumar var gengi dollars í 81 krónu minnir mig, og mér fannst það ansi mikið. En svona sveiflast þetta, í millitíðinni (síðan 2001) hefur dollarinn farið niður í og jafnvel niður fyrir fimmtíukallinn, en kannski verður þessi fyrirsögn rétt í fyrramálið.

Athugasemdir

[Linda litla, 18.9.2008 kl. 08:49]

Það lítur út fyrir því að krónan sé endalega að hverfa.

[Steinmar Gunnarsson, 18.9.2008 kl. 09:57]

Ef ég man rét var sá græni 112 krónur um tíma sumarið 2000, ekki var krepputalið svo mikið þá, en, allt er breytingum undirorpið.

[Anna Ólafsdóttir Björnsson, 18.9.2008 kl. 14:13]

Ég held að krónan hverfi ekki nema vegna þess að fólk heldur að grasið sé grænna ,,hinu megin". Þetta er allt spurning um vilja um að grípa til raunhæfra aðgerða, og hann virðist vanta. Og það sem þú segir, Steinmar, segir geysilega mikilvæga sögu.

[Erna Hákonardóttir Pomrenke, 18.9.2008 kl. 15:00]

já ég man eftir að hann fór í 112 og óskaði þess að ég ætti fúlgu til að skipta, en svo var ekki.

Er nokkur von á að fá ykkur í heimsókn?  

[Guðríður Hrefna Haraldsdóttir, 18.9.2008 kl. 18:40]

Dollarinn var í kringum 100 kallinn þegar ég var hjá Elfu í USA í janúar 2001, ansi fúlt.

[Anna Ólafsdóttir Björnsson, 18.9.2008 kl. 19:47]

Já, þetta sveiflast nefnilega miklu meira en fólk vill vera láta, það er málið. En Erna, ég skrepp til Bandaríkjanna núna í október, en var fljót að fullbóka þann tíma sem ég verð þar, verð hjá Nínu systur í New Mexico og fer í barnaafmæli í Colorado, skrepp mögulega til Nevada og enda með því að hitta Elísabetu systur (væntanlega) og Lindu dóttur hennar í Boston. Þetta verða þrjár vikur, og vegna stöðu dollarans fer ég minna á milli en ég myndi annars gera. Mér sýnist á ýmsu að ég fari kannski til Bandaríkjanna aftur á næsta ári, kemst líklega ekki til Elfu vinkonu í Seattle núna og það væri sannarlega gaman að geta litið við hjá þér. Það er ekkert svo dýrt að fljúga sumar leiðirnar innan Bandaríkjanna.

Svo vona ég að þið komist til Íslands á næsta ári líka.