Ótrúlega afslöppuð eða útúrstressuð á leið í spurningakeppnina Útsvar í kvöld með Guðmund Andra og Hilmar Örn mér við hlið

Eiginlega hef ég ekki hugmynd um hvort ég er ótrúlega afslöppuð eða útúrstressuð yfir því að vera að fara í spurningakeppnina Útsvar í kvöld, fyrir hönd Álftnesinga. Með mér í liði eru reynsluboltarnir Guðmundur Andri Thorsson rithöfundur og Hilmar Örn Hilmarsson allsherjargoði, tónskáld og tónlistarmaður, og fullkomin leynd hvílir yfir undirbúningi. Það skal þó upplýst að bensínafgreiðslumaður í Garðabæ hefur áhyggjur af leikhæfileikum okkar og giskgetu (og örugglega margir fleiri), námsmaður í Ungverjalandi þurfti að senda fyrirspurn um hvort Útsvar yrði nú örugglega sent út á neitinu (svo er sagt) og ekkert okkar, að ég held, hefur boðið ættingjum sínum að vera við, þó hefur frést að einhverjir hafi sjálfir útvegað sér miða. Guðmundur Andri hefur skirfað mjög spaklega grein í héraðsfréttablaðið okkar, alftanes.is um hvað maður sé miklu gáfaðri í sófanum heima en við spurningaborðið, tek undir hvert einasta borð, hef nefnilega einu sinni áður látið véla mig í spurningakeppni í sjónvarpi. Frést hefur að Fjarðabyggð, sem við etjum kappi við, hafi skipt út öllu sínu liði frá því í fyrra.

Kvenfélagið á Álftanesi mun, ásamt Lions, gera grín að okkur á komandi þorrablóti, hvort sem við vinnum eða töpum, ef marka má reynsluna frá í fyrra, en þá var ég reyndar ekki með í liðinu. Hef samt orðið þess heiðurs aðnjótandi að vera skotspónn á þorrablóti, endur fyrir löngu, ásamt fleirum reyndar, og fannst það miklu skemmtilegra en sumum hefur þótt, nefni engin nöfn ;-)

Þannig að þetta verður yndislega sveitó hjá okkur, eins og það á einmitt að vera. Bara gaman!

Athugasemdir

[Gísli Gíslason, 12.9.2008 kl. 16:49]

Dálítið sérstök tilfinning að horfa á Fjarðabyggð á móti Álftanesi, þar sem ég hef búið síðustu árin á þeim frábæra stað Álftanesi en æskuárini liðu öll svo ljúft austur í 740 Fjarðabyggð.  Gangi ykkur vel. 

[Guess who 12.9.2008 kl. 17:26]

Ja, hérna, mín kæra, þú kannt að lúra á frétt fram á síðustu stundu!  Segi nú bara gangi þér og strákunum vel í kvöld: Mun sitja fyrir framan skjáinn með allar tær og alla putta krossaða, bæn á vör og sennilega missir hjartað úr eitt og eitt slag ef jafnt verður á með liðunum.  Ef þú verður gerð burtræk úr Kvenfélagi Álftaness vertu þá bara velkomin í Kvenfélag Nýjadalshrepps: Gáfu-kvenna-nefnd KFN vantar forystukonu 

[Anna Ólafsdóttir Björnsson, 12.9.2008 kl. 18:03]

Takk bæði, og svo er ekki hægt að reka mig úr Kvenfélaginu, af því ég er ekki í því ;-)

[Ragnheiður , 12.9.2008 kl. 20:36]

Þið eruð bara flott í þessu !

[Erna Hákonardóttir Pomrenke, 12.9.2008 kl. 20:53]

Gangi ykkur vel.

[Ragnheiður , 12.9.2008 kl. 21:13]

Já !!!

[NN 12.9.2008 kl. 21:22]

Jæja, mikið er mér nú létt að geta rétt aftur úr puttunum, tánum og liðunum almennt, hætt að þylja bænir og komið hjartanu í lag . Haustfundir kvenfélagsins eru haldnir í grjótfoki - uppáhaldinu þínu.   Til hamingju með sigurinn!

[Brynja skordal, 12.9.2008 kl. 21:34]

Glæsilegt hjá ykkur þið voruð frábær þegar þið komust á fullt skrið en spennan var orðin rosaleg í lokin til hamingju Anna og co

[Jóhanna 12.9.2008 kl. 21:50]

Ótrúlegur endasprettur hjá ykkur.

Ég verð nú að viðurkenna að undir lokin var ég farin að efast stórlega um að þetta hefðist hjá ykkur. En frábær frammistaða.

Stolt af ykkur...

[Einar Indriðason, 12.9.2008 kl. 22:15]

Til lukku :)

[Anna Ólafsdóttir Björnsson, 12.9.2008 kl. 22:37]

Ég held að það sé alla vega ekki hægt að biðja um meiri spennu, þetta var bara æðislega gaman.

[Jenný Anna Baldursdóttir, 12.9.2008 kl. 22:40]

Anna: Mér fannst þú svo mikil dúlla og svo hlærðu svo smitandi hlátri og þess vegna held ég dedd með þér.

[Guðríður Hrefna Haraldsdóttir, 13.9.2008 kl. 00:54]

ÞIÐ VORUÐ ÆÐISLEG!!!! Var að enda við að horfa á þáttinn á Netinu og passaði mig á því að kíkja ekki á bloggið áður. Þetta var rosalega spennandi, frábærir andstæðingar líka. Mikið er ég montin af ykkur!

[Anna Ólafsdóttir Björnsson, 13.9.2008 kl. 01:12]

Takk öll, sammála um andstæðingana, þetta voru sko engin lömb að leika sér við. Þeim mun betur kunnum við að meta það að hafa þetta á stórfurðulegum endaspretti, en þetta var bara rosalega gaman, og skynsamlegt hjá þér Gurrí að horfa fyrst á þáttinn á netinu og svo að hætta þér á bloggið. Fylgdist stíft með þér í fyrra ...

[Hallgrímur Guðmundsson, 13.9.2008 kl. 10:16]

Þetta var flott hjá ykkur og til hamingju, ég var búinn að afskrifa ykkur en þvílíkur endasprettur svona á að gera þetta aldrei að gefast upp...

[Þóra Sigurðardóttir, 13.9.2008 kl. 12:13]

Innilegar hamingjuóskir með sigurinn Þessi þáttur í gær var ótrúlega spennandi  þar sem bæði liðin stóðu sig mjög vel.

[Stefán Friðrik Stefánsson, 13.9.2008 kl. 12:55]

Innilega til hamingju með sigurinn. What a comeback, segi ég nú bara. :)

mbk.

[Helga Björg, 13.9.2008 kl. 18:58]

til hamingju með sigurinn :)

[Kolbrún Stefánsdóttir, 13.9.2008 kl. 20:10]

Sæl Anna. Var að horfa á þáttinn núna endursýndan. Afar skemmtilegur þáttur og stórsigur yfir þessu frábæra liði að austan. Til hamingju kveðja Kolla.

[Anna Ólafsdóttir Björnsson, 13.9.2008 kl. 22:42]

Takk enn og aftur, öll með góðu straumana!