Skátinn og feministinn (játningar stoltrar móður)

Virkasti feministinn í fjölskyldunni er sonur minn, sem er tæplega þrítugur, eins og ég hef áður getið um. Hann mun væntanlega eyða verslunarmannahelginni með karlahópi Feministafélagsins að berjast gegn nauðgunum. Er auðvitað að springa af stolti og mest að hann hefur haft mikið frumkvæði í þessum málum undanfarin ár.

Núna er dóttir okkar með heila hersingu af skátum á Landsmóti skáta, hún er rúmlega þrítug og hefur unnið við æskulýðsmál meira og minna alla sína ævi. Hefur það raunar að sumarstarfi í sumar. Ég held hún hafi verið 17 ára þegar hún hélt sinn fyrsta foreldrafund og um svipað leyti hvíslaði ég að Ara mínum: Gerir þú þér grein fyrir að dóttir okkar er æskulýðsleiðtogi.

 

Athugasemdir

[Erna Hákonardóttir Pomrenke, 26.7.2008 kl. 18:12]

Dásamlegt þegar börnin spjara sig svona vel og verða virkir og góðir þegnar í þjóðfélaginu, en líða ekki bara í gegnum lífið. Ég myndi segja að gott og jákvætt uppeldi hljóti að eiga góðan þátt í þessu.

Gangi ykkur vel. Sólskinsbros til þín.

[Anna Ólafsdóttir Björnsson, 26.7.2008 kl. 20:36]

Það er auðvitað alltaf yndislegt að fylgjast með krökkunum sínum og flest spjara þau sig bara vel, en ég er afskaplega lukkuleg með áherslurnar sem þau velja sér í tilverunni, því þau hafa ekki verið undir pressu af okkar hálfu, en ábyggilega einhverjum áhrifum.

[Erna Hákonardóttir Pomrenke, 26.7.2008 kl. 21:27]

Við megum svo sannarlega vera ánægðar með börnin okkar. Mikið væri gaman að læknarnir okkar hittust  Stefán Hákon var að kaupa hús í gær. 'Akvað að kaupa í ekki sérlega góðu hverfi í von um að hafa góð áhrif á umhverfið.

[Anna Ólafsdóttir Björnsson, 26.7.2008 kl. 22:11]

Góð hugsun hjá Stefáni og vonandi verður honum að ósk sinni.

[Vilborg G. Hansen, 27.7.2008 kl. 11:03]

Stolt af frænda "við segjum Nei við nauðgunum"  

Forvarnir sem þessar skipta höfuðmáli og að þær séu unnar eins og þeir gera þetta þ.e. á staðnum, innan um fólkið. 

Og elsku Hanna frænka mín, stendur sig vel í öllu sem hún er að gera þvílíkur dugnaðar forkur.

Bið að heilsa ykkur og hafið það gott í "framkvæmdarfríinu"