Himinlifandi á Hillary-vaktinni

Fyrstu spár bentu ekki til mikils sigurs Hillary í Kentucky en núna er henni spáð stórsigri og ég vona að það haldi. Oregon er vestar og óvissara, en ef Hillary næði betri árangri þar en ætlað var gæti farið svo að tvær grímur rynnu á ofurfulltrúana sem hafa ekki þorað að lýsa yfir stuðningi við Hillary. Fyrir nokkrum vikum var henni spáð meirihluta þeirra en Obama hefur verið að fá suma þeirra til sín. Þeir hljóta líka að vera hugsandi yfir þeim fréttum að stuðningsfólk Hillary sé ekki allt tilbúið að kjósa Obama, ætli að sitja heima eða jafnvel kjósa McCain. Hvað sem manni finnst um það, þá er ekki hægt að pína fólk til að kjósa eftir öðru en því sem það sjálft velur, það eru leikreglur lýðræðisins. Þannig að ... kannski er að draga til tíðinda vestanhafs, hver veit?

Clinton spáð sigri í Kentucky

Athugasemdir

[Jenný Anna Baldursdóttir, 21.5.2008 kl. 08:14]

Ég vonast eftir kraftaverki, þ.e. að Hillary hljóti útnefninguna þrátt fyrir allt.

Sjálf á CNN vaktinni.

Kveðjur inn í daginn.

[Anna Ólafsdóttir Björnsson, 21.5.2008 kl. 10:42]

Við erum þó alla vega tvær á vaktinni með Hillary, Jenný. Það er ekki svo slæmt ;-)

[Brynja skordal, 21.5.2008 kl. 11:22]

innlitskvitt hafðu ljúfan dag Elskuleg

[Pétur Fannberg Víglundsson 21.5.2008 kl. 12:22]

"Þeir hljóta líka að vera hugsandi yfir þeim fréttum að stuðningsfólk Hillary sé ekki allt tilbúið að kjósa Obama, ætli að sitja heima eða jafnvel kjósa McCain."

Það er nú aðallega vegna þess að fólkið í Kentucky er ekki tilbúið til að kjósa svartan forseta. Kentucky er heldur ekki samanburðarhæft þar sem Demókratar eiga hvort eð er ekki séns þar. Mæli með þessari grein á Nytimes.com sem útskýrir þetta vel.

http://egan.blogs.nytimes.com/2008/05/21/white-on-white/

[Anna Ólafsdóttir Björnsson, 21.5.2008 kl. 13:42]

... Hvað sem manni finnst um það: Að Kenducky hvítingjarnir munu ekki kjósa svartan forseta, frekar en sumir kallar virðast tilbúnir að kjósa konu, þá er það þetta sem uppúr kjörkössunum kemur sem telur. Kentucky er ekki undantekning, svipaðar tölur komu fram í öðrum fylkjum. Og ég vil ekki fá annan repúblikana. En þarna er ég bara að ræða þau rök sem ofurfulltrúar þurfa að vega og meta og þau eru raunveruleg. Sjálf er ég ekki í vafa, Hillary er besti kostur, Obama næstbesti, McCain vondur kostur en einu góðu fréttirnar eru að Bush er að hætta.

[Anna Ólafsdóttir Björnsson, 22.5.2008 kl. 19:06]

Líklega er Obama búinn að vinna þetta, en ég held við séum ekki að fá neinn vinstri mann með honum. Hins vegar er smá hætta á að hann ryðji veginn fyrir hægri manninn McCain.

[Georg P Sveinbjörnsson, 22.5.2008 kl. 21:45]

Hva...ég hélt að ég hefði sett hér inn komment og hlekk fyrir nokrum dögum þar sem Hillary er afhjúpuð sem Bilderberger svikakvendi...sem allir forsetaframbjóðendurnir eru raunar nema Ron Paul sem hefur staðið eins og klettur uppúr sirkusnum í kringum forkosningarnar....vonadi að hann ákveði að koma með sérframboð svo að Bandaríkjamenn eigi raunverulegan valkost á móti svikamyllunni, en það eru kannski ekki margir sem átta sig á því að sama hver af Bilderberger frambjóðendunum vinnur, þau eru öll að vinna fyrir sömu glæpamennina á bak við tjöldin.

[Anna Ólafsdóttir Björnsson, 22.5.2008 kl. 22:12]

Held að ég hafi ekki fengið neinn hlekk, en vissulega er leitun að valdamanni á vesturlöndum sem er ekki með einhver tengls við fjármála- og valdaöfl, við hættum samt ekki að hafa skoðanir á því hver sé skárri en annar.