Sveiflukennt loftslag - og engar tjaldútilegur um Hvítasunnuna

Ef einhver efast um sveiflukennt loftslag þá höfum við fengið að finna fyrir slíku að undanförnu og þó sloppið mun betur en fólk viða annars staðar í heiminum. Gróðurhúsaáhrifin eru ekkert grín og hvort sem veðurspá helgarinnar hefur vitundarögn með þau að gera eða ekki þá eru öfgar í veðurfari að sanna illilega að þau eru fyrir hendi. Ný fellibyljasvæði eru til að mynda að skapast, eins go fjallað hefur verið um í fréttum.

Hvítasunnuhelgi framundan verður vonandi slysalaus, færð um allt land hvetur til aðgátar og ef til vill ekki hyggilegt að fara á sumardekkjunum hvert sem er. Hvítasunnan er að vísu snemma á ferð í ár eins og allar kirkjutengdu hátíðarnar, en samt sem áður eru þessar veðursveiflur ögn skrautlegri en oft áður og því öllu snúið á hvolf sem gert var á fyrri tíð. Útihátíðir eru ekki haldnar lengur um hvítasunnuna, enda held ég að mæting yrði dræmi miðað við fyrirsjáanlegt veður.

Víða hálka og hálkublettir um land allt

Athugasemdir

[Valdimar Samúelsson, 10.5.2008 kl. 07:03]

Það væri nú auðvelt fyrir þig sem sagnfræðingur að komast í upplýsingar um veðrið síðustu hundruð árin. Eðli veðurs eru sveiflur annars væri ekkert veður. Menn sveiflast um ástæður sveiflnanna og veðrið sveiflast ár frá ári.

[Vilborg G. Hansen, 10.5.2008 kl. 12:34]

Kannski einhverjir landsmenn verði að leika sér í snjónum fram í júní  en það er gott að búa á Suðvesturhorninu núna og best í borginni

[TARA ÓLA/GUÐMUNDSD., 10.5.2008 kl. 13:25]

Já Anna mín en hvar ertu stödd núna? Ertu þarna á þessu Græna?  Það er spennandi kostur sem ég vildi prufa einhvern daginn. Veðrið er skrýtið, satt segir þú. Ég var í Bosníu í svolítið langan tíma fyrir rúmum tveimur árum, heitt og yndislegt veður, frá um 20. ágúst til einhverns tíma í október. En fyrsta daginn var eins og stríðið hefði skollið á aftur og það stóð fram á kvöld. Haglél á stærð við krepptan hnefa, konuhnefa amk, og þrumur og eldingar. Þetta var það versta sem kom allan tímann en engu að síður eitthvað sem gerðist á hverjum degi fyrir utan hellirigningu í nokkrar mínútur sem virtist koma skyndilega úr heiðskýru lofti. Verð að segja að þetta var bæði spennandi og öðruvísi.

[Anna Ólafsdóttir Björnsson, 10.5.2008 kl. 14:01]

Þótt sveiflur í veðurfari séu ekkert óþekktar, síður en svo, þá er ekki hægt að sýkna gróðurhúsaáhrifin lengur. Ég á eftir að spyrja þig, Tara meira út í þetta með Bosníu. Ég er ekki farin að ferðast neitt að gagni núna um helgina, þannig að ég er á grænu svæði, en allt opið, helgin er ung, fer samt bara í þægilegheit, sumarbústað eða eitthvað slíkt. Vilborg, frændi þinn átti setningu aldarinnar eitt vorið þegar hann sagðist vona að sumarið yrði snjólétt, þetta var árið sem ,,Jónsmessuhretið" kom!!!!

[Þorsteinn Briem, 10.5.2008 kl. 15:48]

Rífum gróðurhúsin!

Með kærri kveðju,

[Anna Ólafsdóttir Björnsson, 10.5.2008 kl. 15:55]

Þessi er nýr!

[TARA ÓLA/GUÐMUNDSD., 11.5.2008 kl. 16:27]

Anna mín, gerðu svo vel

[Jón Aðalsteinn Jónsson, 12.5.2008 kl. 18:04]

Sveiflur og slæm veður um Hvitasunnu eru ekkert nýtt frekar en veður sveiflur allan ársins hring og gott að kíkja í öldina okkar til að sjá það. En styttra í tíma eru þó atburðirnir skelfilegu á fimvörðuhálsi um Hvitasunnu ekki fyrir svo mjög löngu

[Anna Ólafsdóttir Björnsson, 12.5.2008 kl. 19:55]

Alin upp við að liggja í Öldunum, enda úrvals bækur. Hvítasunnan er auðvitað á þannig árstíma og á svo misjöfnum tíma að brugðið getur til beggja vona um veðrið. Engu að síður eru veðurfarsbreytingarnar núna ábyggjuefni og vaxandi´öfgar í veðurfari víða um heim, umfram það sem aldarsveiflurnar hafa fram til þessa fært okkur.

[Anna Ólafsdóttir Björnsson, 12.5.2008 kl. 19:56]

Og takk fyrir sólina, Tara, þetta er ábyggilega sú sem skein á mig skamma stund í hádeginu og gaf fyrriheit um sumarið.