Bilaður heimasími

Hrikalega ljóti norski heimasíminn okkar hefur verið bilaður í um 10 daga en annríki heimilisfólks, próf og fleira, hefur komið í veg fyrir að við ýttum á eftir því að fá nauðsynlegar lagfæringar. Upphaflega er tengingin okkar bæði fyrir ADSL og ISDN en nú er sú síðarnefndar bæði orðin óþörf og úrelt og mál til komið að fá sér aðra símatengingu með tilheyrandi smáveseni og kannski fallegri síma. Þannig að ef einhver reynir að ná okkur í heimasíma þá er þetta skýringin. Lagast þegar um hægist.

Athugasemdir

[Júlíus Garðar Júlíusson, 5.5.2008 kl. 09:55]

Kæri bloggari.

Áskorun....Prikavika í bloggheimum .....nú gefum við prik dagsins alla þessa viku í bloggheimum. Þú finnur eitthvað jákvætt, einstaklinga eða hópa sem hafa staðið sig vel.....og þeir fá prik dagsins. Nánar hér.
Kveðja Júl Júl.  P.s skoraðu á sem flesta að taka þátt

[Jenný Anna Baldursdóttir, 5.5.2008 kl. 14:31]

Samúðarkveðjur vegna ljóta símans.  Á ekki að fá sér nýjan?

[Helga 5.5.2008 kl. 19:41]

Anna mín, hér er ein sem reyndi að ná í þig fyrr í dag þegar hún sá
færsluna þína hér á undan. Ég rifjaði upp í huganum síðasta samtalið okkar.
Það er sannarlega sárt að hann skuli ekki hafa fengið lengra líf.

En að nýjustu færslunni, þótt það sé hálfóviðeigandi að setja athugasemdir
við þær tvær í eina.

Mikið ansi er þetta smart sími hjá þér og fallega vaxinn. Var að velta
fyrir mér hvort maður hringir löng-stutt-löng í svona forngrip.

[Anna Ólafsdóttir Björnsson, 5.5.2008 kl. 20:58]

Sá norski er talsvert ljótari en þessi, hringingin mín frá því á Sámsstöðum er löng-stutt og þess vegna svaraði ég sjaldan í símann fyrst eftir að ég kom úr sveitinni hér í eina tíð.

Takk, Helga, ég veit að þú fylgdist með okkur og svona fór þetta, eins og stefndi í, og ekkert sem var hægt að gera. 

[Linda litla, 5.5.2008 kl. 21:40]

Það borgar sig sko ekkert að eiga norska síma.... þeir eru alltaf bilaðir

Nei nei, þetta er bara ég að bulla eins og vanalega.

Votta þér samúð mína fyrir vin ykkar sem var að deyja. falleg minningagrein.

[Anna Ólafsdóttir Björnsson, 5.5.2008 kl. 21:42]

Reyndar hefur þessi verið hálfbilaður lengi, Linda.

Takk fyrir, við söknum okkar góða vinar.