Gleðilega páska! ... og ef þið fenguð góðan málshátt, þá er alltaf gaman að heyra

Gleðilega páska öll! Vona að þið hafið það gott. Það er alltaf gaman að heyra hvaða málshættir slæðast inn í páskaeggin ykkar. Ég fær aldrei uppáhaldið mitt, enda kaupi ég ekki Lennon-páskaegg: Life is what happens to you when you're busy making other plans.

En ég fékk alveg nothæfan málshátt núna: Ekki er hægt að selja kúna og drekka úr henni mjólkina. Þetta hljómar eins og þýðing úr einhverju öðru tungumáli, er auðvitað háþróaðri útgáfa af: You can't keep the cake and eat it (mjólkin úr kúnni endurnýjanlegri, en úff, vesenið að gefa, mjólka og reka kýrnar í haga á sumrin, en það er önnur saga).

 

Athugasemdir

[Sigurpáll Ingibergsson, 23.3.2008 kl. 15:01]

Hægara er að tala tólf jökla en ganga einn.

Þetta er uppáhalds málsháttur minn. Ég ætla þó að gera einum betur.

Fékk þennan málshátt þó ekki um þessa páska.

[Guðríður Hrefna Haraldsdóttir, 23.3.2008 kl. 15:51]

Góður á jafnan góðs von! Þessi leyndist í FreyjuRÍSpáskaegginu en ég er ekki búin að opna þetta frá Nóa, algjör páskaeggjaátsslappleiki hér á bæ, eins og tilhlökkunin var mikil.

Gleðilega páska í bæinn! 

[Svala Erlendsdóttir, 23.3.2008 kl. 16:28]

Aumur er ástlaus maður, kom úr Nóa Siríu eggi nr. 4. Er að verða búin að slátra innvolsinu en á eftir meiripartinn af egginu..

Gleðilega páskahátíð

[Jóhanna 23.3.2008 kl. 19:05]

Verður maður ekki að gefa skýrslu.

Sá, sem situr undir perutrénu, fær ekki alltaf nógar perur að éta.

[Guðrún 23.3.2008 kl. 20:13]

,,Það dansar enginn einn,  , fengum við hjónin saman.  Maðurinn minn heldur að ég hafi pantað þetta og vilji koma sér í danskennslu !

Gleðilega páska !

[Linda litla, 23.3.2008 kl. 20:59]

Vá, það fengu sem sagt allir páskaegg nema ég. Ég bara segi samt einn til að vera með og hann er eftir Sverri Stormsker.

Hámark svartsýnarinnar er svertingi með sólgleraugu að moka kol í myrkri.

[Róslín A. Valdemarsdóttir, 23.3.2008 kl. 23:09]

Hól gleður heimskan og Vitið er verði betra! 

[Anna Ólafsdóttir Björnsson, 24.3.2008 kl. 00:23]

Gaman að heyra málshættina ykkar, nokkrir ansi góðir.

[Jóhanna Magnúsar- og Völudóttir , 24.3.2008 kl. 11:35]

Fékk ekkert páskaegg í ár, er í sjálfsskipuðu súkkulaðibindindi, en sá málsháttur sem ég hef mest hlegið að því ég var óvenju spennt það árið að sjá málsháttinn var Nú er bleik brugðið!

[Sigurður Hreiðar, 24.3.2008 kl. 12:03]

Það er nú svona, Anna mín. Hvað sem málsháttum líður er ég hættur að kaupa páskaegg, nema kannski handa barnabörnunum meðan þau eru nógu lítil. Núna féll þetta niður: þrjú eru í útlöndum, eitt er með mjólkuróþol og eitt er svo lítið að það er ekki tímabært að það fái páskaegg.

En það hefði verið gaman að fá málshátt. Það er bara í þessu tilviki eins og boðskapurinn virðist hafa verið í þínu eggi: Það verður ekki bæði sleppt og haldið.

Kv. í bæinn

[Jenný Anna Baldursdóttir, 24.3.2008 kl. 12:07]

Aldrei þessu vant "meikaði málshátturinn minn sens".

Hann var svona:

Svo er auður sem augabragð, hann er valtastur vina.

Ójá, þar erum ég málshátturinn algjörlega sammála.

[Sigrún Jónsdóttir, 24.3.2008 kl. 12:42]

"Sá sem fleiprar við þig, fleiprar um þig"! 

Þessi kom úr oggulitlu "áleggi", sem opnað var eftir mat á Pálmasunnudag hér á bæ.  Hef ekki heyrt hann áður en finnst hann góður!

[Ómar Ragnarsson, 24.3.2008 kl. 14:12]

Ég fékk mjög viðeigandi málshátt upp úr páskaeggi sem dóttir mín og dótturdóttir færðu mér hingað á spítalann: "Fleira verður að gera en gott þykir."

[Anna Ólafsdóttir Björnsson, 24.3.2008 kl. 19:55]

Óvenju margir góðir sýnist mér. Við hérna í Blátúni fengum mjög skrýtinn málshátt (öll vinstri græn) í fjölskyldupáskaegginu: Betra er blátt en ekkert. Skýring að neðan: Blátt er hér sama og blávatn.