Afmæli Óla, sonar okkar, mmmmm súkkulaðiveisla í boði afmælisbarnsins

Óli sonur okkar Ara er 29 ára í dag og þurfti reyndar að halda tölu í málstofu í stjórnmálafræði í dag, þannig að hann vaknaði snemma og átti mjög annríkt í dag. Kom nú samt ekki í veg fyrir að hann bakaði stórkostlegar súkkulaðikræsingar ofan í okkur fjölskylduna, m.a. súkkulaðibalukökur með gráðosti. Syndsamlega gott. Svo fer hann út að borða með vinum sínum í kvöld, sem er orðinn nokkuð fastur vani á afmælisdaginn hans, enda mjög skemmtilegir vinir sem hann á (alla vega að mínu mati). Ekki spillti fyrir að systir hans í Ungverjalandi lengdi afmælið hans um klukkustund með því að óska honum til hamingju kl. 11 í gærkvöldi, en þá var afmælisdagurinn genginn í garð hjá henni.

Þessi dagur hefur verið rosalega góður í alla staði, þrátt fyrir mikið annríki fjölskyldunnar, þannig að ég mæli með sem flestum afmælisdögum Óla, t.d. 4. hvers mánaðar? ... það væri auðvitað ágætt ;-) 

Athugasemdir

[Erna Hákonardóttir Pomrenke, 4.3.2008 kl. 23:35]

Til hamingju afmælisdaginn hans 'Ola frá okkur öllum

[Anna Ólafsdóttir Björnsson, 5.3.2008 kl. 00:15]

Takk Erna mín og góðar kveðjur til fjölskyldunnar þinnar.