Fólk með sterkar en misjafnar skoðanir á veðrinu og ný könnun lítur dagsins ljós

Takk fyrir góða þátttöku í seinustu skoðanakönnun. Ég beið lengi vel eftir að línur færu að skýrast, en það var ekki fyrr en á lokasprettinum að það gerðist. Könnunin snerist um hvernig veðrið yrði í vetur og undir lokin tók athyglisverður valkostur loks forystuna: Þeir sem segja að sér sé slétt sama hvernig veðrið verði í vetur og ætla að eyða honum á Kanarí stungu aðra af í könnuninni. Næstvinsælastur var valkosturinn: Rysjóttur vetur og Snjór og stillur fylgdu á eftir ásamt þeim sem telja að veturinn muni harðna eftir áramót.

Og nú er ég búin að setja inn nýja könnun, þar sem ekki er nema rétt rúmur mánuður til jóla. Endilega takið þátt í að skoða ykkur og aðra í samfélagsspeglinum.  

Athugasemdir

[Auður H Ingólfsdóttir 19.11.2007 kl. 20:27]

Það vantaði alveg valkostinn minn sem er: Telja niður dagana til 19. desember þegar ég flýg til Íslands í jólafrí

Í staðinn merkti ég við að ég tilheyrði rétttrúnaðarkirkjunni, sem er auðvitað ekki alveg rétt, en næstum því þar sem ég er búsett á heimssvæði í augnablikinu sem tilheyrir rétttrúnaðarkirkjunni og hér er því alveg rosalega langt til jólanna

[Anna Ólafsdóttir Björnsson, 19.11.2007 kl. 20:31]

Aha, ég játa á mig vanrækslu varðandi 19. desember (eðaldagur, fyrsti dagur eftir próf og auk þess er alltaf haldið pínulítið upp á 19. hvers mánaðar hér á heimili, sbr. í dag), en treysti því að aðrir og óvinsælli valkostir njóti góðs af, samanber þitt framlag.

[Guðríður Hrefna Haraldsdóttir, 19.11.2007 kl. 22:47]

Hefði viljað betri árangur með grjótfokið, það var snilld.

[Anna Ólafsdóttir Björnsson, 20.11.2007 kl. 00:38]

Grjótfok fékk 11% atkvæða og lenti í 7unda sæti af 13, sem sagt alveg í blámiðjunni.

[Helga 20.11.2007 kl. 02:18]

Svakalega þekkirðu marga nemendur, 33,3% Kemur svo önnur könnun þegar prófin eru búin?

[Anna Ólafsdóttir Björnsson, 20.11.2007 kl. 02:28]

Þegar prófin eru búin verða bara sex dagar til jóla, ætli fólk nenni að taka þátt í annarri ,,hvað ætlarðu að gera til jóla" könnun þá? Sjáum til hvernig þetta þróast.

[Auður H Ingólfsdóttir 20.11.2007 kl. 08:10]

Sæl aftur Anna. Takk fyrir innlitið í gestabókina. Ég sá ekki hnapp yfir gestabók hjá þér, þannig að ég svara bara hér...

Ég er í Makedóníu að vinna fyrir UNIFEM á vegum íslensku friðargæslunnar.

Kær kveðja

[Anna Ólafsdóttir Björnsson, 20.11.2007 kl. 10:23]

Gaman að heyra. Ég hefði eflaust átt að geta giskað á það, eftir dvöl Kristínar Ástgeirs á svipuðum slóðum,

[Anna Ólafsdóttir Björnsson, 20.11.2007 kl. 10:24]

Og svo þarf ég greinilega að bæta úr þessu með gestabókina, fannst reyndar að fáir hefðu skrifað ;-)