Þúsund og einn hefur tekið þátt í kosningunni um fegursta orð íslenskrar tungu og kosning enn mjög lífleg. Kærleikurinn er toppnum en ljósmóðir nánast með jafnmikinn stuðning

Þúsund og einn hefur tekið þátt í kosningunni um fegursta orð íslenskrar tungu og kosning enn mjög lífleg. Kærleikurinn er toppnum en ljósmóðir nánast með jafnmikinn stuðning og dalalæða á enn möguleika en dregst heldur aftur úr.

Athugasemdir

[Kristinn Dagsson 23.7.2007 kl. 15:16]

Sæl Anna

Ertu með hið fallega orð "rjómablíða" inná listanum þínum ?  Ef ekki, þá finnst mér það orð eiga heima á lista yfir falleg orð.

Með bestu kveðju

Kristinn Dagsson

[Anna Ólafsdóttir Björnsson, 23.7.2007 kl. 15:30]

Man ekki eftir að það hafi verið tilnefnt ennþá en því er hér með komið á framfæri, hvernig svo sem mér tekst nú að vinna úr öllu þessu nýja, góða hráefni, sem inn hefur komið. 

[Guðríður Hrefna Haraldsdóttir, 23.7.2007 kl. 16:54]

Þetta er frábær þátttaka! Spennt að vita hvernig fer.

[Ingólfur Ásgeir Jóhannesson, 23.7.2007 kl. 18:14]

Ég held að ég hafi verið númer 1000 í vinnutölvunni, en áður búinn að greiða atkvæði. Dalalæða og djúp fengu mín atkvæði.

[Anna Sigríður 23.7.2007 kl. 20:05]

Bráðskemmtilegt framtak að stofna til kosninga eins og þessara. Ég er ekki „bloggari“ (hræðilegt orð) en vil gjarnan kjósa af því mér finnst „dalalæða“ sérstaklega fallegt íslenskt orð. Í þessu orði eða hugtaki felast síðan fjölmörg önnur fögur orð úr íslensku máli eins og; dulúð, fegurð, mýkt og jafnvel friðsæld svo dæmi séu tekin. Annað orð yfir „dalalæðu“ er svo t.d. „þokuslæða“ sem e.t.v. er ekki síður fallegt með allri sinni séríslensku stafsetningu.

„Dalalæða“ fær sem sagt mitt atkvæði ef það er mögulegt :-)

Með bestu kveðju,

Anna Sigríður

[Anna Ólafsdóttir Björnsson, 23.7.2007 kl. 20:11]

Ætli það sé misskilningur hjá mér að stuðningsfólk dalalæðu sé stoltara af atkvæðum sínum en aðrir? Alla vega sé ég talsvert mikið að yfirlýstum stuðningi við dalalæðu, en orðið kærleikur hækkar samt áfram mun hraðar á vinsældarlistanum. Mér sýnist að kærleikurinn sé að taka forystuna hægt og bítandi.

[Íris 23.7.2007 kl. 20:25]

Belja og hamingja 

Ég er sammála frænku minni nokkurri og verð að segja að belja og hamingja séu fallegustu orð íslenskrar tungu.  

Einhverntíman í sögu íslenskar tungu var hljóðvörpun þar sem ,,ge" varð að ,,i" og því varð hamingja ,,hamgengja" sem lýsir kannski hamingjunni; að ganga úr ham og verða hamlaust hamingjusamur; eða að ganga í ham hamingjunnar? 

[Jenný Anna Baldursdóttir, 24.7.2007 kl. 00:35]

Ég er bæði svakastolt af mínu "orði" og minni "samkennd"

Ég bíð spennt.

[Ingólfur Ásgeir Jóhannesson, 24.7.2007 kl. 13:34]

Heyrið hvernig orð eins og dalalæða og þokuslæða hljóma eins og maður heldur að fyrirbrigðin sem þau eiga að lýsa geri. Djúp hljómar líka á svipaðan máta.