Ljúft og gott stúdentaafmæli

Mikið óskaplega var stúdentaafmælið okkar ljúft og gott. Þau eru alltaf góð, en þetta var alveg einstaklega skemmtilegt. Þingvallaafmælin okkar (15 ára, 25 ára og núna) eru alltaf sérstaklega vel heppnuð. Góð stemmning, gott jafnvægi, góður tími til að spjalla og rosalega skemmtilegt lagaval hjá hinni stórgóðu hljómsveit séra Hannesar Arnar Blandon. Set inn fleiri myndir fljótlega í sérmöppu en hér til að byrja með ein af okkur í D-bekknum. Og NB þessi var tekin á Þingvöllum um 11 leytið í gærkvöldi!

Athugasemdir

[Anna Ólafsdóttir (anno) 10.6.2007 kl. 14:27]

Þessar björtu nætur eru náttúrulega bara gersemi enda tímir kona eiginlega ekki að fara að sofa á kvöldin. Það hefur greinilega verið ljúft þarna hjá þér og mikið er hann Kjartan nú vinalegur þegar búið er að kippa honum út úr sínum daglegu frjálshyggjustörfum

[Anna Ólafsdóttir Björnsson, 10.6.2007 kl. 15:03]

Sumarkvöldin okkar eru engu líka, og satt að segja eru ljúfu hliðarnar hans Kjartans þær einu sem ég þekki, og það eru mikil forréttindi að geta átt vini þvert á öll flokksbönd. 

[Helga 10.6.2007 kl. 18:14]

Mér finnst Kjartan alltaf vera ógurlegt krútt - en það er lítið krútt við sumar skoðanir hans. En annars þá tekur hann sig sérlega vel út í þessum fríða kvennahóp.  Ég held að hann hafi líka notið þess - sérlega krúttlegur þarna.

[Anna Ólafsdóttir Björnsson, 10.6.2007 kl. 19:00]

Nú er ég búin að setja inn fullt af góðum myndum í viðbót. Mér finnst öll skólasystkinin mín svo rosalega sæt, sá tími liðinn þegar ég var 10 ára stúdent og fékk sjokk þegar ég sá að einn skólabróðir minn var orðinn miðaldra heildsali. Síðan hafa þau bara öll fríkkað.