Sunnudagurinn eftir kosningar

Sunnudagurinn eftir kosningar er alltaf svolítið merkilegur dagur. Allt hfeur verið á fullu, hjá sumum verður spennufall, mígreinfólk verður að trappa sig hægt niður til að fá ekki mígrenikast, stundum er allt fullt af fundum, tiltekt, plotti, þegar við á þreifingum eða jafnvel stjórnarmyndunarviðræðum. Sé á moggavefnum að þeir sem voru í forsvari fyrir Sól í Straumi ætla að bera saman bækur sínar eftir kosningar, hvaða lærdóm má draga af baráttunni, hvað mætti gera öðru vísi, t.d. varðandi kosningar á kjördag. Það kemur mér eiginlega ekkert á óvart. Það er ekki hægt að hætta bara hérna, búið spil. Í gærkvöldi var fagnað verðskuldað og innilega, í dag er .... sunnudagurinn eftir kosningar! Og hann er alltaf spes, þótt ekki sé verið að mynda ríkisstjórn, bæjarstjórn eða neitt af því tagi, þetta er dagur vangaveltna og uppgjörs. 

Athugasemdir

[Ester Sveinbjarnardóttir, 2.4.2007 kl. 00:05]

Það hafa ábyggilega margir sem ekki fóru og kusu hugsað sitt í dag. 

[Anna Ólafsdóttir Björnsson, 2.4.2007 kl. 00:13]

Já, það er ábyggilega rétt. Manni verður einhvern veginn ekki alltaf hugsað til þeirra sem sátu heima.