Forval VG í Suðvesturkjördæmi um næstu helgi - Ögmundur víkur fyrir Guðfríði Lilju og ætlar að vinna eitt sæti enn

Í seinustu kosningum vann Ögmundur Jónasson þingsæti fyrir VG í Suðvesturkjördæmi, sem er rótgróið íhalds- og kratakjördæmi. Nú ætlar hann sér að vinna eitt þingsæti enn og sækist eftir öðru sætinu fyrir sjálfan sig og fyrsta sætinu fyrir Guðfríði Lilju Grétarsdóttur, sem er mjög spennandi valkostur. Núa á ég loksins kost á því sjálf að kjósa í forvali VG og ætla sannarlega að skemmta mér vel yfir því að raða á góðan og sigurstranglegan lista næstkomandi laugardag.

Og svo á Elísabet systir afmæli í dag ;-)

 

 

Athugasemdir

[Lilja Guðrún Þorvaldsdóttir, 9.3.2009 kl. 18:32]

Ögmundur "rokkar".  - Vonandi tekst honum að ná þrem þingmönnum inn, ég yrði ekki hissa.

[Guðríður Hrefna Haraldsdóttir, 9.3.2009 kl. 19:31]

Til hamingju með systurina. Ég skellti afmæliskveðju á Facebook-síðuna hennar.

[Sigurður Sveinsson, 10.3.2009 kl. 09:07]

Guðfríður Lilja og Ögmundur yrðu frábært tvíeyki í Kraganum. Fáir, ef nokkrir, eru betri málsvarar þeirra sem standa höllum fæti í þjóðfélaginu. Það er mál til komið að breyta til. Undanfarna tæpa 2 áratugi hefur réttur hins stóra til að traðka á hinum smáa verið aðalinntakið í stefnu stjórnvalda. Besta leiðin til jöfnunar í samfélaginu er að kjósa VG í vor. Baráttukveðja.

[Jenný Anna Baldursdóttir, 10.3.2009 kl. 10:21]

Til hamingju með VG og stystur þína.

[, 10.3.2009 kl. 21:36]

Líst vel á þá röð þótt ég hafi smá áhyggjur af að Guðfríður Lilja sé kannski ekki nógu þekkt til að hala inn atkvæði í fyrsta sætinu. Ögmund líst mér þó vel á - hef trú á honum sem málsvara lítilmagnans. Já og til hamingju með systu

[Anna Ólafsdóttir Björnsson, 11.3.2009 kl. 00:07]

Ég var að fá bæklinginn með frambjóðendunum inn um dyrnar. Þetta verður þrautin þyngri, ég færi létt með að merkja við 10 manns og þyrfti þá samt að sleppa góðum kostum.

[Helga 11.3.2009 kl. 00:34]

Viltu að ég hjálpi þér?

[Anna Ólafsdóttir Björnsson, 11.3.2009 kl. 02:16]

Já, takk, Helga!

[Héðinn Björnsson, 11.3.2009 kl. 13:32]

Ég mæli með Andrési lækni. Hann hefur sett fram mjög góðar hugmyndir í efnahagsmálum.

[Anna Ólafsdóttir Björnsson, 11.3.2009 kl. 22:36]

Hef heyrt allt gott um Andrés, þú ert ekki sá fyrsti, Héðinn.