Þetta þarf að verða að lögum sem fyrst - fylgjumst grannt með hvort og hverjir verða á móti

Ríkisstjórnin er búin að samþykkja að leggja fram mikilvægt frumvarp um skattlagningu arðs í skattaparadísum og vonandi ber alþingi gæfu til þess að samþykkja það hið allra fyrsta. Það er auðvitað með ólíkindum að þessi lög, sem eru hliðstæð lögum í nágrannalöndunum, skuli ekki hafa verið í gildi hér á landi. Þetta er eitt af mörgum skrefum sem þarf að stíga í átt til meiri jöfnuðs og réttlætis. Lagaumhverfið í landinu er greinilega fáránlega rýrt þegar kemur að réttlæti í því að bera sameiginlegu byrðarnar.

Tekið á skattaparadísum

Athugasemdir

[Finnur Bárðarson, 27.2.2009 kl. 14:28]

Bíddu bara Birgir Ármannsson er að gíra sig upp

[J.þ.A. 27.2.2009 kl. 19:21]

Nú verður næsta skref að breyta þessu með fiskveiði hér í þessu landi.  Það gengur ekki að örfáir kvótakongar geti fleytt rjómann af hagnaði íslenskar fiskveiði.  Enda hafa sameinuðu þjóðirnar sagt sitt álit um það efni.

Svo ef þessi ríkisstjórn hefur ekki tíma til að setja ný lög gegn þessum ólögum sem hafa stýrt þessu í áratugi,  þá verðum við að fylgjast með hvaða flokkar vilja breyta þessu.  Og ´sá sem gefur skýrt loforð um það að breyta þessu hann á að styðja.

[Anna Ólafsdóttir Björnsson, 28.2.2009 kl. 02:12]

Ég held að réttlætiskenndin sé að breyta stjórnmálum á Íslandi. Þetta er vissulega dýru verði keypt en vonandi uppskerum við betra samfélag.