Lamandi fréttir

Nýjustu fréttir af veikindum Geirs eru lamandi og þótt gott sé að fá kosningar fljótlega þá þarf sannarlega hugsa næstu skref, ALLIR! Nú er kominn tími til að senda Geir baráttukveðjur í sínu veikindastríði. Efast ekki um að við gerum það öll, hvað sem líður skoðun okkar á aðgerðum stjórnarinnar. Á sama tíma berast gleðifréttir af heilsufari Ingibjargar Sólrúnar en ástandið í Samfylkingunni er á hinn bóginn undarlegt, svo ekki sé meira sagt. Í dag ætla ég að reyna að fókusera á verkefni kvöldsins, Útsvar, þar sem ég mæti ásamt Guðmundir Andra Thorssyni og Hilmari Erni Hilmarssyni og við gerum okkar besta. En ég verð að viðurkenna, það verður erfitt, mjög erfitt.

Athugasemdir

[Jenný Anna Baldursdóttir, 23.1.2009 kl. 13:51]

Hryllilega sorglegar fréttir.

En stjórnin er vanhæf og það breytist ekkert.

Gangi þér vel í kvöld.

[Helga 23.1.2009 kl. 14:23]

Auðvitað óska ég bæði Ingibjörgu og Geir bata, vegna þess að ég geri greinarmun á einstaklingunum og stjórnmálamönnunum.

En rétt eins og ég óska þeim bata þá geri ég þá kröfu á þau að þau skilji að hagsmunir þeirra sem einstaklinga mega aldrei vera settir ofar hagsmunum þjóðarinnar. Þess vegna styð ég í verki áfram kröfuna um að ríkisstjórnin fari frá án minnstu tafar.

Án efa þá eru margir sjúklingar í röðum appelsínurauðra-búsáhalda-mótmælenda þótt þeir séu ekki eins þekktir og nafngreindir sjúklingarnir hér að ofan.

Sjúkdómar formanna stjórnarflokkanna mega ekki stjórna því hvort fólk haldi áfram að krefjast þess að ríkisstjórnin fari frá. Það verða stjórnmálamenn og aðrir að skilja. Krafan um að ríkisstjórnin víki byggir á hagsmunum þjóðarheildarinnar og á að gera það.

Útvar, já! Bestu-bestu-bestu óskir um að þú, Guðmundur og Hilmar hafi betur en Ísfirðingarnir. Mun sitja yfir þættinum með allar taugar spenntar og bæði fingur og tær krosslagða.  Áfram Álftanes!

[Anna Ólafsdóttir Björnsson, 23.1.2009 kl. 17:11]

Vandamálið er það að afleiðingar veikinda forystumanna stjórnarflokkanna leiða af sér alls konar atburðarás - ekki alltaf lógíska - og þetta mun svo sannarlega setja svip sinn á framvinduna næstu dag. Ég hallast að því að eina stjórnin sem gæti tekist á við tímann fram að kosningum væri þjóðstjórn, ég held að ég sjái ekki starfhæfa utanþingsstjórn myndaða, þótt það væri undir öðrum kringumstæðum ef til vill betri kostur. Við erum að fá nýja stjórn, það er eitt sem víst er, en hvort það verður strax eða ekki - vona að lukkan leiði okkur inn í góða þjóðstjórn.