Að vera eða vera ekki - kominn yfir það versta, þar er efinn!

Mér finnst ekki hægt annað en fagna því að krónan er aftur á uppleið, þótt við vitum ekki hversu mikinn þátt gjaldeyrishömlurnar eiga í þeirri staðreynd. Hins vegar tala allir mjög varlega um ástandið, tortryggnin í garð stjórnvalda, fjármálayfirvalda og þess háttar, er svo sannarlega ekki að ástæðulausu. Kraumandi ólga sem fær aðgerðarsinna til þess að ráðast inn í alþingi og efinn í svörum næsta manns, þegar fólk spyr hvert annað: Ætli við séum komin yfir það versta, eru tvær hliðar á sama pening, trúnaðarbresti sem orðið hefur. Það er mikið verk að vinna í uppbyggingarstarfi. Mér líst vel á framlag VG til umræðunnar, en áherslur fundar flokksráðs VG er nákvæmlega það sem ég held að skipti máli núna.

Athugasemdir

[Helgi Jóhann Hauksson, 8.12.2008 kl. 20:45]

Á uppleið já? - Erlendir bankar aftur hættir að skrá krónuna og þar sem viðskipti voru með hana erlendis er evran á 300 kr. Síðast þegar hún var skráð hjá Evrópska seðlabankanum 3. des var evran á rétt tæpar 300 kr eða tvöfalt hærra verði en Davíð skráir hana með kútum/gjaldeyrishöftunum. - Kannski er það gott en víst er að það er ekki vegna frjálsrar verðmyndunar að hún „styrkist“ á verðskrá Davíðs.

Annars er athyglsivert að Seðlabanka-skráning krónunnar veiktist síðustu dagana fyrir „fleytingu“ en stendur nú aftur í þeim 150 krónum evran (148 kr í dag) sem hún er búin að vera í allan tíma frá því alvöru skömmtun hófst á gjaldeyri. - í raun breyttist ekkert, nema hún veiktist án þess það kæmi fram í fréttum og „styrkist“ nú aftur til baka og það er blásið upp í fréttum. - Allt er þó óbreytt nema Seðalbanki Evrópu er nú hættur að skrá krónur.

[Gunnlaugur B Ólafsson, 8.12.2008 kl. 21:28]

Afhverju byrja þeir sem vilja efla lýðræðisvitund ekki á því að láta flokksmenn kjósa um Evrópumálin? Endurtekið sýna kannanir að meirihluti kjósenda flokksins vill aðild að ESB. En þeir ráða engu - línan gefin af Ragnari Arnalds og Hjörleifi frænda?

[Anna Ólafsdóttir Björnsson, 8.12.2008 kl. 21:53]

Krafa um þjóðaratkvæði er að mínu mati það mikilvægasta.

[Björgvin R. Leifsson, 13.12.2008 kl. 20:26]

LÁTA flokksmenn kjósa!? Í VG eru flokksmenn ekki látnir kjósa - þeir taka ákvörðun um það sjálfir. En þetta er skiljanleg athugasemd frá krata undir hælnum á Sollu stirðu og Frjálshyggju-Gústa.