Ef ég væri góð í mér myndi ég vorkenna McCain núna, en ...

Er að verða nokkuð vongóð um að Obama muni vinna öruggan sigur eftir mánuð. Það sem er ánægjulegast er að byrinn sem hann hefur fengið í seglin er ekki síst tiltrú fólks á því að hann sé sá sem getur tekist á við þá efnahagserfiðleika sem við er að glíma. Var í góðu yfirlæti hjá Annie systurdóttur minni að horfa á kappræðurnar í kvöld og mér líkaði margt mjög vel. Mér líkaði vel hvað Obama mundi oft eftir því að það er til veröld fyrir utan Bandaríkin, sem þarf að hafa samstarf við en ekki bara að líta á sem vígvöll, að heimurinn okkar þolir ekki kæruleysi í umhverfismálum og að ef einhverjir eiga að bera skattbyrðar þá eru það hinir ofurríku.

Reyndar sló það mig nokkuð hvað McCain var lélegur, Obama þurfti raunar ekki á því frjálsa framlagi hans að halda, hann hefði sigrað kappræðurnar engu að síður, þannig að ef ég væri nú reglulega góð í mér, þá hefði ég vorkennt McCain í kvöld, en ...

Athugasemdir

[Aprílrós, 8.10.2008 kl. 08:34]

Eigðu góðan dag ;)

[H.T. Bjarnason 8.10.2008 kl. 10:25]

Það sem sló mig var að McCain vildi ásaka Obama fyrir að vilja hækka (eða ekki lækka) skatta og á sama tíma vildi sá fyrrnefndi auka ríkisútgjöld um 300 milljarða dollara með því að yfirtaka stóran hluta húsnæðislána bandaríkjamanna.

[Hjörtur 8.10.2008 kl. 10:54]

Mismunandi viðhorf McCain og Obama til umheimsins endurspeglast líka í viðhorfi umheimsins til þeirra. Samkvæmt If The World Could Vote.com fengi Obama 87% atkvæða heimsins.

[Dunni, 8.10.2008 kl. 15:21]

Það er nú gott til þess að vita að þú heldur illskunni réttu megin við grensuna. Veit ekki hvort það væri nokkurm manni holt að fara að vorkjenna McCain.  Hann er svo líkur Davíð. Veit allt manna best og Obama er bara fáfróður krakkavitleysingur í hans augum.

Reyndar hafði Obama yfirburði í kappræðunum (þeim hluta sem ég sá) Hann þurfti aldrei beita sér til að gegn McCain sem sá alveg sjálfur um að eyðileggja fyrir sjálfum sér. 

[Anna Ólafsdóttir Björnsson, 8.10.2008 kl. 19:43]

Mér fannst oft erfitt að skilja hvað McCain átti við, en það var ekkert óskýrt við málflutning Obama og mér líkaði sannarlega vel við flest af því sem hann sagði.