Feministamóðir stolt af syninum

Það hefur eflaust ekki farið framhjá lesendum bloggsins míns að ég tel mig oft hafa ástæðu til að vera stolt af börnunum mínum, þótt þau séu sloppin af barnsaldri og vel það. Það gladdi feministahjartað mitt þegar ég heyrði að sonur minn væri orðinn ráðskona yfir vef karlahóps Feministafélagsins auk þess sem hann er í stjórn Feministafélags Háskóla Íslands. Hann hefur verið vel virkur í félagsmálum að undanförnu og tekið við af öðrum í fjölskyldunni í því hlutverki og greinilega að gera góða hluti, alla vega er ég bara mjög stolt. Hann heldur líka úti vefnum Feministaheimurinn sem er með hlekk hér til hliðar. Til hamingu Óli!

Athugasemdir

[Jenný Anna Baldursdóttir, 3.6.2008 kl. 21:43]

Mikið skelfing máttu vera stolt af afkomandanum.  Þú kannt greinilega að ala upp börn.

Kveðjur í útlandið.

[Jóna Á. Gísladóttir, 3.6.2008 kl. 22:45]

Það er greinilegt að stóra barnið þitt ætlar sínum börnum jafnan hlut. Til lukku með hann.

[alva 3.6.2008 kl. 22:59]

Til hamingju með þetta

[Anna Ólafsdóttir Björnsson, 4.6.2008 kl. 09:41]

Þau hafa alið mig meira upp en ég þau, ég er alltaf að læra af krökkunum mínum.