Ef Stairway to Heaven hefði verið Doors-lag

Enn er ég innblásin af bloggi Kristjáns Kristjánssonar, Kidda rokk, en núna er hann kominn með YouTube af einhverjum metal-hryllingi með Pat Boone. Meðal annars Stairway to Heaven í útgáfu sem minnir á eina af útgáfunum á Stairways to Heaven, þar sem Ástralir eru með alls konar útgáfur af þessu ágæta lagi, sumar eru glæpsamlegar og aðrar bara flottar. Ég ætla að setja inn eina flotta, hugsið ykkur að þetta lag hefði í raun verið Doors lag og hlustið á the Australian Doors Show:

 

Og ég held ég leyfi bítlaútgáfunni að fljóta með líka. Hún er meira fyndin en flott, en samt smá flott líka.

 

Athugasemdir

[Kristján Kristjánsson, 4.2.2008 kl. 12:59]

Sammála þessu Anna. Doors útgáfan er rosalega flott. Bítlaútgáfan er áhugaverð en ekki sérlega flott Tek eftir því að Paul McCartney eftirherman er rétthendur! Það er ekki sama útlitið og alvöru Bítlar

[Anna Ólafsdóttir Björnsson, 4.2.2008 kl. 15:14]

Einmitt, menn eiga ekki að klikka á svona grundvallaratriðum sem allir þekkja. En Doors-útgáfan er heillandi, þetta lag passar fullkomlega við dulúðina og kraftinn þeirra.

[Brynjar Jóhannsson, 4.2.2008 kl. 18:58]

Mér fannst bítla útgáfan æðisleg.. en Doors dálítið fyrirsjanleg.. Það var svo TÍBÍSKT DOORS að ég vissi allltaf hvað gerðist næst í laginu..

[Anna Ólafsdóttir (anno) 4.2.2008 kl. 19:49]

Þessi Doors útgáfa er ekkert smá flott. Hin er skemmtilega corny.

[Anna Ólafsdóttir Björnsson, 4.2.2008 kl. 21:07]

Gaman að kynna þetta fyrir ykkur, ég elska þennan disk og það eru fleiri lög sem gaman væri að finna á YouTube við tækifæri, hef það bakvið eyrað ásamt öðru.