Eftir rúmar 38 stundir verður ljóst hvaða orð taka þátt í lokakeppninni um fegursta orð íslenskrar tungu - enn er hægt að hafa áhrif

Brá mér upp í sumarbústað eftir vinnu í gær og því er ég ekki búin að uppfæra atkvæðafjöldann sem hvert orð hefur fengið í keppninni um fegursta orð íslenskrar tungu. Þakka öllum sem hafa tekið þátt nú þegar og minni á að á lokasprettinum þarf líka að líta við og kjósa rétta orðið, en þá stendur valið eingöngu um 10 vinsælustu orðin.

Hins vegar var enginn vafi á því hvert var fegusta útsýni íslenskrar náttúru í morgun, það var fimm jökla sýn úr Borgarfirði, þar sem sól og blíða brosti við okkur þegar við lögðum af stað til vinnu um sex leytið. Það var ekki fyrr en undir Hafnarfjalli sem við ókum undir skýjabakkann, sem lá eins og mara yfir höfuðborgarsvæðinu. Mér sýnist á spám að helgin verði góð. 

Athugasemdir

[Höski 11.7.2007 kl. 12:35]

Það er víst seint í rassinn gripið, en vantar ekki hið geysifallega orð, Olnboga?

[Hlynur Hallsson, 11.7.2007 kl. 13:53]

Skemmtileg keppni Anna. Hér eru niðurstöður dómnefndarinnar í Berlín:

Andvari

Dalalæða

Eilífð

Friður

Hittiðfyrradagur

Hnúkaþeyr

Hrynjandi

Ljósmóðir

Mamma

Þoka

Bestu kveðjur,

[Hrafnhildur Ragnarsdóttir 11.7.2007 kl. 14:05]

Þetta þykir mér skemmtileg keppni

Ég kem auðvitað allt of seint inn í hana og finnst sárt að sjá ekki orðið "andrá" - það hefði orðið mitt framlag.

Ég ætla bara að velja þrjú orð: 

Dalalæða

Þýða

Hrynjandi

Bestu kveðjur

Hrafnhildur R 

[Ásdís Sigurðardóttir, 11.7.2007 kl. 16:01]

Birta

dalalæða

jólasnjór

kærleikur

friður

farsæld

smá innlegg

[Anna Ólafsdóttir Björnsson, 11.7.2007 kl. 18:06]

Takk öll, ég er hálf skotin í nýju orðunum en línur eru verulega farnar að skýrast varðandi vinsælustu orðin. Eftir pool-ið með vinnufélögunum í kvöld þarf ég sannarlega að fara að telja, eða jafnvel fyrr.

[Guðríður Hrefna Haraldsdóttir, 11.7.2007 kl. 19:31]

Kærleikur og andvari ...

[Aðalheiður Þorgrímsdóttir 11.7.2007 kl. 20:13]

Blær

[Guðrún Einarsdóttir 11.7.2007 kl. 22:51]

1) ljósmóðir

2) andvari

3) blær

4) Fóstra (sem reyndar er ekki á listanum)

5) mamma

[Halla Rut , 11.7.2007 kl. 23:24]

Hrynjandi minnir mig á hina stórbrotinu  Íslensku náttúru og hið sérstæða harða íslenska mál. Hrynjandi er númer 1.

Dalalæða minnir mig svo á sveitina og friðinn sem kemur yfir mann þegar maður lítur yfir landið. Dalalæða númer 2.

Skemmtileg keppni. Ég mun Fylgjast með. 

[Sólrún Guðjónsdóttir, 17.7.2007 kl. 12:13]

Ljósmóðir er mjög fallegt orð líka kærleikur