75 orð hafa verið tilnefnd í keppninni um fegursta orð íslenskrar tungu - ljósmóðir hefur forystu og kærleikur í öðru sæti - kakkalakki hefur aðeins fengið eina tilnefningu (eins og flest hinna orðanna) - og svo er líf utan orðanna

Núna eru aðeins tæpir tveir tímar til miðnættis og þá hætti ég að taka við tilnefningum um fegursta orð íslenskrar tungu. Þá hefst kapphlaupið hvaða orð komast í aðalkeppnina. Mörg skemmtileg orð hafa fengið tilnefningu, falleg, skrýtin, óvenjuleg og formfögur. Þegar ég sá að kakkalakki var tilnefnt, þá rifjaðist upp fyrir mér mjög skemmtilegur atburður sem gerðist hálfa leið uppi í Hekluhlíðum þegar ég var þar á ferð með tveimur finnskum vinum mínum. Kónguló, sagði ég þegar ég var beðin um að segja þeim hvað ,,spider" væri á íslensku. Kónguló, kónguló, sögðu þeir og hlógu svo rosalega að ég var að hugsa um hvað í ósköpunum þetta þýddi á finnsku.

En orð eru ekki allt, þótt þau séu virkilega merkileg fyrirbæri. Ég er auðvitað enn í losti yfir dóminum yfir nauðgaranum á Hótel Sögu og svo finnst mér auðvitað mjög erfitt að sjávarútvegsmálin skuli vera í jafn mikilli kvótakreppu og raun ber vitni. Mótvægisaðgerðir eru ekki sérlega skýrar enn, þannig að þetta er auðvitað svolítið óskýrt.

Athugasemdir

[Anna Ólafsdóttir Björnsson, 9.7.2007 kl. 00:17]

Takk, þetta eru seinustu tilnefningarnar - góð viðbót. Og nú hefst næsti fasi, að velja tíu orð sem kosið verður á milli

[Ásdís Ingólfsdóttir 20.7.2007 kl. 18:04]

Nokkur góð orð sem mér finnst vanta í upptalninguna:

Fingurgómar

Sjálfhelda

Smásmuguleg/ur 

Smásmuguleg athugasemd:

Gleym-mér-ei er ekki orð heldur heiti á plöntu

kv

Ásdís