Orðin streyma inn - tilnefnið fegursta orð íslenskrar tungu fram á sunnudagskvöld

Viðbrögðin við beiðni minni um að tilnefna fegursta orð íslenskrar tungu hafa verið mjög góð. Ég lofaði að birta tilnefningar jafnóðum og hér er afraksturinn í lok 4. júlí.

Jæja

Nenna

Óstjórn

Samstarf

Samkennd

Ljósmóðir (3)

Öndvegi

Unaður (2)

Kærleikur

Ást

Sól

Vor

Óðfluga

Orð

Yndi

Fjóla

Dís

Taktur

Sólskríkja

Mamma

Ljúflingur

Tekið verður við fleiri tilnefningum fram á sunnudagskvöld í athugasemdum við þessa færslu eða næstu á undan. Þá tekur við stutt tímabil þar sem fólk getur lýst yfir stuðningi sínum við einstakar tilnefningar. Tvö orð hafa nú þegar fengið fleiri en eitt atkvæði. 

Athugasemdir

[Kristján Hrannar Pálsson, 5.7.2007 kl. 08:34]

Ég tilnefni orðið von, það ætti að vera á listanum.

[Bjarni Kjartansson, 5.7.2007 kl. 09:39]

Mildungur minn

Orðið ,,Kona" er einnig mjög fallegt og innihaldsríkt.

Miðbæjaríhaldið

[Hafsteinn Sigmarsson 5.7.2007 kl. 09:41]

Ég vel orðið - BER - það hefur svo skemmtilega margar meiningar.

[Anna Karlsdóttir, 5.7.2007 kl. 10:56]

Mér finnst orðin DJÚP og SVIF mjög falleg orð í tengslum við sjóinn, í tengslum við plöntur er orðið fjalldrapi og dögg falleg. Ég á erfitt með að gera upp á milli orða! Bestu kveðjur

Anna

[Nanna Katrín Kristjánsdóttir, 5.7.2007 kl. 11:30]

Sjólargeisli.

[Anna Guðjóns 5.7.2007 kl. 12:02]

Ég legg orð í belg og tilnefni orðið MÓÐIR

[Ólína Kjerúlf Þorvarðardóttir, 5.7.2007 kl. 12:09]

Takk fyrir sniðuga hugmynd Anna

Ég vil tilnefna orðið fagra sem Jónas Hallgrímsson kom fram með, fyrstur manna að ég held, en það er "ljósvaki".

[Unnur 5.7.2007 kl. 15:43]

HVAÐ UM HITTIÐFYRRADAG?

[Ari 5.7.2007 kl. 18:33]

Nótt er fallegt orð.

[Báran, 5.7.2007 kl. 18:45]

Úps,líklega átti tilnefning mín að lenda hér en mig langaði að bæta einu orði við.

Gæska.  Merking þess nær yfir svo margt.

[Bergþóra Jónsdóttir, 5.7.2007 kl. 22:17]

Eiga tilnefningarnar að byggjast á merkingarlegri fegurð, eða hljóðfræðilegri?

Þar sem ég hallast nú að því að þú eigir við hljóðfræðilega fegurð sjálfstæðs orðs, ætla ég að leyfa mér að tilnefna tvö slík orð:

1. Dalalæða

2. Hvanndalafossar

[Sigga Mac 5.7.2007 kl. 23:37]

Ég er hrifin af orðinu "gleði" - lífið er svo mikið betra ef maður er glaður.

Kærar kveðjur frá Kanada

[Matthildur Ágústa Helgadóttir Jónudóttir, 5.7.2007 kl. 23:55]

Þoka

Þýða

Ljóð

[Ibba Sig., 6.7.2007 kl. 00:08]

Ljósmóðir er rosa fallegt orð. Kakkalakki er skemmtilegt orð. 

[Sigríður Hrönn Elíasdóttir, 6.7.2007 kl. 00:27]

kærleikur er hljómfagurt orð yfir tilfinningar sem hafa stjórnað gjörðum okkar til góðs og jafnvel náð að flytja  fjöll þegar öll sund virtust lokuð.

[Maja Solla 6.7.2007 kl. 01:14]

Mig langar að stinga uppá orðunum Dásamlegt og Barn.
Veit ekki hvort það var búið að koma.

[Ása Hildur Guðjónsdóttir, 6.7.2007 kl. 02:39]

Greiði atkvæði með orðinu kærleikur.

Finnst líka dalalæða æðislega flott orð.

Samkennd eða öllu heldur samhyggð eru líka flott

Kærleikskveðja Ása Hildur

[Svala Jónsdóttir, 6.7.2007 kl. 11:59]

Eilífð er skemmtilegt orð með fallega merkingu.

Orðið gjálífi er líka flott orð, sem og hógværð.

[Kristbjörg 6.7.2007 kl. 19:22]

Er alltaf svolítið hryfin af orðinu "baugalín", bæði hljómþýtt og fallegt

[Kristbjörg 6.7.2007 kl. 19:31]

Afsakið ég er auðvitað hrifin en ekki hryfin

[Jón Steinar Ragnarsson, 6.7.2007 kl. 20:51]

Hrynjandi er fallegt.  Það er eins í öllum föllum og vísar til þess sem við öll erum að berjast við að ná. Að vera i takt og jafnvægi.

[Stefán 6.7.2007 kl. 21:07]

Ég tilnefni orðið eða kveðjuna "sæll". Fá tungumál hafa yfir að búa jafn fallegri kveðju.

S.

[Inga Auðbjörg, 7.7.2007 kl. 02:14]

Hunang vegna þess að það er bæði gott í te og fallegt ávarpsorð þegar maður talar við einhvern kærkominn...

[Inga Auðbjörg, 7.7.2007 kl. 02:14]

kærkominn? ég meina nákominn... og kæran manni... sum sé kærkominn.  Ég er komin í hring...

[Jóhanna 7.7.2007 kl. 08:40]

Vinátta og  hjálpsemi

Hvar væri þessi veröld ef við gætum öll verið vinir og hjálpuðum hvert öðru á öllum sviðum mannlífsins.  þá væri ekkert stríð, enginn svangur, enginn lagður í einelti, o.s.frv.  Værum við þá bara ekki komin í himnaríki stað alsælunnar.  :)))))))))