Draumurinn var réttur en ráðningin röng - síður en svo nein draumastjórn.

Sagði frá því á blogginu að mig dreymdi Ingibjörgu Sólrúnu rétt fyrir kosningar (sem kemur ekki oft fyrir). Var að vona að það yrði fyrir vinstri stjórn. Draumurinn var réttur, en mér sýnist að draumar hennar hafi leitt hana annað. Leitt. 

Þetta er sannarlega ekki draumarstjórn. Og af hverju í ósköpunum dreymdi Samfylkinguna um að efna frekar til frjálshyggjustjórnar en þeirrar vinstri stjórnar sem hún hlaut kosningu út á? Svarið fáum við væntanlega í málefnasamningnum í fyrramálið, hálfgerð martröð að bíða eftir því hvort hann inniheldur 1 stk ESB, nokkur álver, einkarekna heilbrigðisþjónustu eða eitthvað annað, sumt frekar hrollvekjandi? Mig dreymir enn um annars konar niðurstöðu, jafnvel í anda martraðar ritara Reykjavíkurbréfsins á sunnudaginn var.

Athugasemdir

[Ester Sveinbjarnardóttir, 23.5.2007 kl. 02:40]

Þetta kom vissulega á óvart, vonandi kemur þessi stjórn til með að virka vel!

[Jens Sigurjónsson, 23.5.2007 kl. 10:37]

Það var bara ekki hægt að mynda vinstri stjórn. Stjórnin hélt velli . Og eftir kosningar lýsti Steingrímur Joð frati á framsókn þannig að það var ekki inn í myndinni að hægt væri að mynda vinstri stjórn, þökk sé Steingrími.

[Jenný Anna Baldursdóttir, 23.5.2007 kl. 12:34]

Páfagaukskenningin sem hver étur upp eftir öðrum er að það sé Steingrími að kenna að ekki varð af vinstri stjórn.  Meir ekkisens bjánaskapurinn í fólki.  Anna mín Ísland verður ekki tekið af lista hinna vígfúsu og bardagaviljugu.  Mér er heitt í hamsi.