Fallin með 4,9???

Skyldi ríkisstjórnin ekki örugglega vera fallin?

Skyldi hún vera fallin með 4,9?

Ef þetta verður tæpt, hvað gerist þá?

Við vissum alltaf að þetta yrði spennandi kosninganótt, nú vantar mig bara Guðfríði Lilju inn, sem viðbót við góðan hóp þegar kosinna VG-þingmanna. Gott að hafa fengið sér blund í dag, ekki veitir af. Nú bíð ég bara eftir feðgunum heim, einn að lesa og/eða djamma og annar að klára skyldustörf í kjörstjórn. En fyrir smá stundu var ég reyndar með tvær sjónvarpsstöðvar í gangi og tvö blogg líka. Aðeins að róast í bili, en þetta verður óbærileg spenna, væntanlega í alla nótt. 

Athugasemdir

[Auðun Gíslason, 12.5.2007 kl. 23:58]

Því miðir virðist Liljuna vanta helst til mikið til að komast inn. En nóttin er ung...

[Anna Ólafsdóttir Björnsson, 13.5.2007 kl. 00:05]

Já, þetta er æsispennandi, en alla vega þá vil ég að eftirfarandi standi: Ríkisstjórnin falli og stjórnarandstaðan myndi næstu stjórn.

[Anna Ólafsdóttir (anno) 13.5.2007 kl. 00:24]

Mér sýnist á nýjustu tölum að það sé ekkert gefið. EN líklega verður ekki sama stjórn nema framsókn sé haldin einhverri sjálfseyðingarhvöt.

[Anna Ólafsdóttir Björnsson, 13.5.2007 kl. 00:52]

Stefnir í langa nótt og stranga, en ég vona að allt verði gott sem endar vel, og eins gott að Samfylkingin hlaupi ekki út undan sér.