Af hverju í ósköpunum er manni ekki sama um Eurovision?

Ég er reyndar löglega afsökuð í dag þar sem höfundur lagsins er úr vinahópi dóttur minnar, eins og ég þreytist ekki á að segja. Svenni samdi þetta frábæra lag og má vera stoltur. Mér hefur líka alltaf þótt Eiríkur flottur og ég er ekkert hissa á því að hann segir að núna sé hann óvenju spenntur fyrir að lagið nái árangri, þetta er nefnilega lag fyrir rokkara og Eiríkur er rokkari. Það er meira rokk í Eurovision núna en oft áður, hef ég heyrt, og þótt það sé ekki allt jafnt af gæðum, tékkneskja Lordi stælingin er til dæmis alveg skelfileg. En núna er að styttast í úrslitin, hvort Eiríkur kemst áfram í aðalkeppni Eurovision. 

Þannig að rokkið er ástæðan fyrir því að mér er ekki sama um Eurovision, í fyrra var mér ekki sama um útkomuna af því mér fannst Sylvia Nótt drottning diss-sins og það var bara gaman. Og þaráður hafði ég ábyggilega einhverja aðra afsökun .... 

Athugasemdir

[Guðríður Hrefna Haraldsdóttir, 10.5.2007 kl. 19:03]

Þetta var að byrja ... mikið hlakka ég til að sjá Eirík. Vonandi kemst hann áfram með þetta dúndurlag!

[Ester Sveinbjarnardóttir, 10.5.2007 kl. 20:01]

Þetta er alltaf formsatriði að vinna, við erum alltaf með bestu lögin.  Bara klíka að við lendum ekki í 1. sæti.

[Anna Ólafsdóttir Björnsson, 10.5.2007 kl. 21:11]

Engin hætta á 1. sætinu. En ég vil hins vegar endilega að við náum upp, atkvæðagreiðslan er byrjuð og ég kýs auðvitað ungverskla blúsinn!

[Jóhanna 10.5.2007 kl. 22:23]

Ekki gleyma gítarleikurunum. Tveir af þeim eru bekkjarfélagar mínir.

En mamma það er bannað að kjósa austurevrópulag. Þeir sjá um það sjálfir...

Mjög svo pirraður Íslendingur í svona eins konar framsóknarlandi, þar sem bara er hugsað um "vinina og nágrannana" en ekki neitt annað...

[Anna Ólafsdóttir Björnsson, 10.5.2007 kl. 23:20]

Mér finnst allt í lagi að kjósa eitt gott lag, en ekki öll!!!!!!!! austurevrópulögin.