Góð ábending hjá fréttastofu RUV um handhafa forsetavalds

Mikil umræða hefur verið um mögulegt inngrip forsetans í stjórnarmyndunarviðræður framundan - til hins betra eða hins verra. Ómögulegt er hægt annað en að upplifa þreytueinkenni Ólafs Ragnars og viðbrögð við þeim sem ákveðna áminningu um að sú staða getur komið upp að handhafar forsetavalds taki við. RUV var með ágæta umfjöllun um þetta í sjónvarpsfréttum í kvöld (sem voru að hljóma á netinu hér hjá okkur rétt áðan). Þótt maður sleppi samsæriskenningum sem manni eru í blóð bornar eftir óhóflegt 24-gláp og eftir að kíkja á myndina Death of a President í gærkvöldi (mjög áhugaverð mynd - við sögðum öll það sama hér heima: Dick Cheney!) þá er það alltaf nokkur alvara að velta því fyrir sér hvað ef? 

Athugasemdir

[Anna Ólafsdóttir (anno) 7.5.2007 kl. 02:34]

Þú talar um að sleppa samsæriskenningum. Mér finnst voða mikil synd að leyfa þeim ekki að fljóta með, þær geta orðið svo mikið 24 eitthvað. Við getum t.d. byrjað á að pæla í þessum veikindum forsetans. Hann fékk jú að borða einhvern fíneríis mat kvöldið áður í matarboði hjá einhverjum bankaköllum, þar sem leyndust líka útsendarar Mr. X, sem  ... see what I mean. Maður væri komin með gott handrit í 24-seríu upp á íslensku eftir smástund ... 

[Anna Ólafsdóttir Björnsson, 7.5.2007 kl. 17:03]

Tek þetta allt til baka með að sleppa samsæriskenningunum. Það er miklu betra að hafa þær inni og ég lýsi eftir þeim merkilegustu.