Marsipantertan sem datt ekki á hausinn

Eins og títt er í þessari fjölskyldu þá er allt heimagert í veislunni á morgun, nema hvað ég pantaði eina stóra marsipantertu, ekta afmælistertu, í bakaríinu á neðri hæðinni í vinnunni minni. Ægifögur terta er ansi stór og þegar indæla stúlkan í afgreiðslunni þar bar hana út í bíl fyrir mig, þá ætlaði ég síst að skilja hvernig henni tókst að koma henni á gólfið farþegamegin. Gleymdi auðvitað að útskýra fyrir henni að skotthurðin væri biluð, þannig að eflaust undraði hún sig á staðsetningunni. Ég var svo sannfærð um að ekki tækist að koma tertunni klakklaust í kæli úti í Álftanesskóla, þar sem veislan verður haldin, og afmælisbarnið fékk það hlutverk að fiska hana upp af gólfinu farþegarmegin og draga hana út um of lítið op milli sætisins og hurðarinnar. Tókst svona ljómandi vel og síðan var rölt inn í skóla og hvorug datt á hausinn, Hanna eða kakan. 

Bárum slatta af bökkum með bakkelsi út í kælinn í skólann, fyrir utan sjálfa afmæliskökuna og nú ætla feðgarnir að baka og skreyta kökur og ég að klára að smyrja, bæði núna og í fyrramálið (sumt þarf að smyrjast á seinustu stundu, eins og gengur). Spennandi að vita hvernig mætingin verður og rosalega gaman að vera búin að fá stelpuna sína heim, þótt í mýflugumynd sé.  

Athugasemdir

[Jenný Anna Baldursdóttir, 4.5.2007 kl. 22:41]

Ég er svöng Anna þú mátt ekki skrifa svona.  Borðaði of lítið í kvöld og nú er fékk ég vatn í munninn.  Arg.. farin að fá mér maltbrauð.  Til hamingju enn og aftur með dótturina.

[Jóna Á. Gísladóttir, 4.5.2007 kl. 23:08]

Til hamingju með litlu stelpunar þína. Þau verða alltaf litlu börnin okkar, er að ekki?

[Guðríður Hrefna Haraldsdóttir, 4.5.2007 kl. 23:21]

Ó, hvað ég hlakka til að koma í ammmlið! 

[Steinunn Helga Sigurðardóttir, 5.5.2007 kl. 13:01]

til hamingju með dótturina, afmæli og heisókn, njóttu köku og samveru.

Ljós til þín !

Steina

[Anna Ólafsdóttir Björnsson, 6.5.2007 kl. 13:37]

Takk allar, þetta var herlegt og allt gekk svo vel. Ætla að skella inn myndum og pistli.