Til hamingju Borgarnes!

Borgarnes er einn fallegasti bær á landinu og fagnar nú 140 ára verslunarafmæli. Til hamingju! Gaman að það skuli vera á döfinni að byggja upp í Brákarey, því hún er mikil perla, en með ljótu umhverfi eins og sakir standa. Í nokkur ár áttum við Ari Sjávarborg sem sumarhús ásamt fjölskyldu hans yndislegt hús í Englendingavík, Sjávarborg, gamla húsið sem amma hans og afi áttu í langan tíma áður. Fallegt hús á fallegum stað og með yndislegu útsýni yfir Brákarey. Það gladdi mig mikið þegar farið var að byggja upp gömlu húsin í kringum það og enn meira núna þegar eyjan verður enn fallegri, ef lýsingin sem ég heyrði í síðdegisútvarpinu er raunsönn. Núna erum við búin að flytja sumaraðsetrið ofar í Borgarfjörðinni en ennþá er gaman að rúnta um Nesið á gamlar slóðir með góðum minningum. Og svo eigum við svo frábæra ættingja þar líka. 

Athugasemdir

[Jón Sigurgeirsson , 22.3.2007 kl. 21:53]

Það er munurinn á gömlum bæjum og gömlu fólki að bæirnir geta sífellt verið að endurnýja sig.

[Anna Ólafsdóttir Björnsson, 22.3.2007 kl. 22:19]

Já, alla vega auðveldara.