Skipulagstillögur á Álftanesi og Álftanespólitíkin

Einna mest spennandi kosningaúrslitin síðastliðið vor voru hér á Álftanesi. Búið var að negla niður miðbæjarskipulag sem gerði ekki mikla lukku og ljóst að ekki var ætlunin að hlusta neitt frekar á íbúana. Meirihlutinn féll og nýr meirihluti efndi fyrirheit sín um að efna til arkitektasamkeppni um miðbæjarskipulagið. Það sem einkum var ábótavant við skipulagið sem var hafnað voru múrarnir sem byggingarnar áttu að mynda, óleyst umferðarmál og svo var ekki þetta yfirbragð lágreistrar byggðar á því skipulagi eins og í nýju tillögunum. Þær eru allar mjög frambærilegar og gaman að sjá hversu margir tóku þátt og lögðu fram áhugaverðar tillögur. Mér finnst margt gott í 1. verðlaunatillögunni og ekkert sem ég get ekki sætt mig við, búandi hérna rétt steinsnar frá þessum fyrirhugaða miðbæ. Það er gaman að sjá hvað menningar- og náttúrsetrinu okkar er ætlaður stór sess í öllum tillögunum. Hvet alla sem áhuga hafa að skoða tillögurnar á www.alftanes.is

Athugasemdir

[Jóhanna 11.3.2007 kl. 23:19]

Þetta eru glæsilegar tillögur. Ég var búin að bíða mjög spennt eftir því að sjá niðurstöðurnar og get ekki annað sagt en ég sé alsæl. Það verður frábær að vinna með þetta er endanlegs skipulags. Þrátt fyrir að ég að sé með skrá aðsetur í Ungverjalandi. Þá er lögheimilið mitt alltaf á Álftanesinu og þar mun það helst, alltaf vera...

[Anna Ólafsdóttir Björnsson, 11.3.2007 kl. 23:30]

Hlakka til að verða vitni að uppbyggingu miðbæjarins okkar og mér finnst það best hvað unga fólkið okkar skilar sér vel í bæinn og er virkt í umræðunni.