Orðskýringar Önnu um ESB

Þið eruð örugglega ekki öll sammála mér. En skoðið, hugsið, og sjáið til hvort þetta er ekki einmitt rétt.

 

 

Þegar sagt er:

            Ég er Evrópusinni

... þá er raunverulega átt við:

            Ég er Evrópusambandssinni

 

Þegar sagt er:

            Ég vil að við skoðum með opnum hug: aðild að Evrópusambandinu/upptöku       Evrunnar/aðildarviðræður við ESB

... þá er raunverulega átt við:

            Ég vil að við göngum í Evrópusambandið

 

Þegar sagt er:

            Við getum haft (mikil) áhrif á stefnu Evrópusambandsins

... þá er raunverulega átt við:

            Ég er svo klár að ég get sannfært kallana í Brussel, alla vega um eitthvað sem fólkið heima kaupir.

 

Þegar sagt er:

            Við megum ekki eingangrast

... þá er raunverulega átt við:

            Ég vil ganga í Evrópusambandið

Þegar sagt er:

            Við getum alveg tekið upp Evruna án þess að ganga í Evrópusambandið

... þá er raunverulega átt við:

            Ef ég fæ fólk til að sannfærast um að við eigum að taka upp Evruna þá neyðumst við til að ganga í Evrópusambandið

 

Þegar sagt er:

           Mér finnst að við eigum að láta reyna á það hver langt við komumst í aðildarviðræðum við ESB

... þá er raunverulega átt við:

           Auðvitað veit ég að við förum ekki í aðildarviðræður með annað að markmiði en að ganga í Evrópusambandið, en það vita ekki allir og kannski er þetta eina ráðið sem dugar til að koma okkur inn

 

Við sem erum andstæð aðild að Evrópusambandinu kunnum ekki þessa felulist, kannski höfum við bara ekkert að fela. Ég hef til dæmis aldrei heyrt sagt: Ég vil að við skoðum með opnum hug að standa utan Evrópusambandsins. Hugsið málið. Kannski meira seinna, og allar viðbætur velkomnar.

 

 

Athugasemdir

[Jenný Anna Baldursdóttir, 8.3.2007 kl. 12:25]

Til hamingju með daginn Anna mín

[Anna Ólafsdóttir Björnsson, 8.3.2007 kl. 12:46]

Takk sömuleiðis.

[Matthildur Ágústa Helgadóttir Jónudóttir, 8.3.2007 kl. 13:59]

Til hamingu með daginn!

Ég vil líka skoða málið með opnum huga, jafnvel svo opnum huga að ræða kosti og galla.  Mér virðist sem umræðan sé ekki komin lengra en að fjalla um hvort þetta mál sé yfir höguð á dagskrá. 

[HG 8.3.2007 kl. 14:22]

Auðvitað er ég sammála "orðskýringum Önnu um ESB", annað væri nú saga til næsta bæjar. Hversu oft hafa ESB-aðdáendur ekki spurt hvort maður sé á móti Evrópu. Nei, auðvitað er maður ekki á móti álfunni, en á móti aðild Íslands að Evrópusambandinu? Já, það er ég.  Hvernig er það annars með hraðlestina til Evrópu sem mörgum var tíðrætt um fyrir nokkrum árum og var þá að leggja af stað - hver að verða síðastur að ná henni? Er hún enn ekki farin af stað?  Til hamingju með daginn, stelpur, og að klámráðstefna setur EKKI svip sinn á daginn hér.

[Vilborg G. Hansen, 8.3.2007 kl. 14:57]

Til hamingju með daginn Anna og já ég held ég geti nú verið nokkuð sammála þessum orðskýringum bara. 

[Anna Ólafsdóttir Björnsson, 8.3.2007 kl. 15:31]

Takk, til hamingju líka öll, núna þurfum við bara smá launajafnrétti og að leiðrétta nokkur misgengi, og þá er þetta að verða komið, ... vonandi ;-)

[Sigríður Laufey Einarsdóttir, 9.3.2007 kl. 22:16]

Það er málið. Við ættum að skoða með opnum huga og skynsömum  rökum, að við eigum ekki að ganga í Evrópusambandið.

Við tilheyrum jú Evrópu en landræðilega norðurhveliinu. Þeir ættbálkar sem eftir eru ( ómengaðir af menningu svokallaðra siðmenntaðra þjóða) á norðurheimskautinu gætu verið okkur til fyrirmyndar á margan hátt með hvernig þeir varðveita  menningu sína  og  lífshætti.

[Snorri Hansson, 12.3.2007 kl. 17:57]

Orðskýringar Önnu um ESB  eru frá mínum sjónarhól
nákvæmlega réttar. (en ekki líst mér á ómenguðu ættbálkana
hennar Sigríðar)

[Atli Harðarson 13.3.2007 kl. 22:54]

Þessi bloggfærsla hittir naglann á höfuðið í hverju höggi. Flott.