Að senda Alan heim úr X-factor - fáránlegt!

Horfi á X-factor eftir því sem ég kemst yfir, enda finnst mér enn meira hæfileikafólk þar en lengst af í fyrirrennurum þessa þáttar. Einn hæfileikaríkasti söngvarinn þar er Alan og nú er verið að senda hann heim, mér finnst það fáránlegt! Hann er að mínu mati meðal þriggja bestu atriðanna í þessum þætti og það að hann skuli hafa lent í botnsæti núna er út af fyrir sig mjög vont. Oft er ég sammála Ellý (auk þess sem hún var hæfileikabolti í Q4U á sínum tíma) en í þessum þætti er ég ósammála ákvörðun hennar. Hún er greinilega að vísa til einhverra annarra þátta en í kvöld, því á forsendum frammistöðunnar í kvöld var hann mun betri en Hara.

Athugasemdir

[Guðríður Hrefna Haraldsdóttir, 2.3.2007 kl. 23:27]

Ég trúði ekki mínum eigin augum þegar ég sá hverjir voru í neðstu sætunum! Algjört hneyksli! Fólk verður að fara að kjósa til að svona stórslys gerist ekki aftur!

[Anna Ólafsdóttir Björnsson, 2.3.2007 kl. 23:45]

Já, ég reyndi einu sinni að bjarga Alan, en núna grunaði mig ekki að hann lenti þarna, svona getur maður verið vitlaus.

[Brosveitan - Pétur Reynisson, 3.3.2007 kl. 09:59]

Það var líka ljósárum langt út úr kú að senda Sigga heim.  Þetta snýst því miður ekki um hæfustu keppendurnar heldur er þetta leikur milli 3 aðila þar sem við öll hin erum statistar, næstum því

[Anna Ólafsdóttir Björnsson, 3.3.2007 kl. 13:11]

Æjá, það er líklegast rétt.

[Jenný Anna Baldursdóttir, 3.3.2007 kl. 13:48]

Takk Anna fyrir að skrifa um faktorinn.  Sé hann ekki sjálf en skilst að þarna séu miklir harmar og flókin tilfinningatengsl á ferðinni. Skilnaðarhótanir milli dómnefndarmeðlima og alles.  'Eg bíð spennt eftir framhaldi.  Sá fyrstu þættina og kolféll fyrir nefndum Allan og svo náttúrulega henni Ingu Sæland sem er mitt favorít.

[Kristján Hreinsson 3.3.2007 kl. 16:34]

Góð faktúrskrif