Kvikmynd um að ólíklegur maður sé kjörinn forseti Bandaríkjanna, hvernig er hægt að gera slíka mynd ,,öðru vísi

Einn af kostunum við að vera hér uppi í bústað að vinna er að það eru færri sjóvarpsstöðvar sem glepja, en ég var samt ákveðin að horfa á ,,Man of the year" með Robin Williams, og sé ekki eftir því. Fantafín mynd. Hún er svo sem um klassískt efni, ólíklegur maður er kjörinn forseti Bandaríkjanna, kommon, hvernig er hægt að taka það dæmi frumlega? En ef þið hafið ekki séð myndina, þá er hún vel kvöldstundar virði.

Athugasemdir

[Lilja Guðrún Þorvaldsdóttir, 19.7.2008 kl. 22:58]

Ólíklegt að nokkur telji það ólíklegt lengur !

[Gunnar Freyr Rúnarsson, 20.7.2008 kl. 09:52]

Þetta virðist vera mynd frá 2006.  Missti því miður af henni í gær, en reyni að nálgast hana við tækifæri (löglega).  Kannski einhver ádeila á núverandi forseta, sem hefur staðið sig alveg stórkostlega eins og við Íslendingar vitum.  Við studdum. m.a Írakstríðið, frá því verður ekki vikist.  Verð að sjá þessa mynd enda Robbi Williams alltaf góður.

Ég horfði hins vegar á Open water 2.  Kannski var þetta einhver B-mynd, en samt eitthvað svo óhugarleg.  Sat límdur við tækið og horfði á óhugnaðinn.  Ungt fólk stakk sér til sunds úr skemmtibát og náðu ekki að komast upp í bátinn aftur.  

Kannski skírskotun í kreppuástandið. Þekki svo marga sem hafa stungið sér út í djúpu laugina (í góðærinu), en ná ekki að krafla sig upp í bátinn sinn í kreppunni.

Mynd sem á líka skírskotun í samtímann.  Jæja vonandi ber Bandaríkjamönnum gæfu til að kjósa sér almennilegan forseta næst, því þessir karlar virðast hafa allan heiminn í hendi sér, því miður...

[Anna Ólafsdóttir Björnsson, 20.7.2008 kl. 10:44]

Mig grunaði að hún (Open water 2) yrði óhugguleg og hætti þess vega við að horfa á hana. Ekki nógu hrifin af óhugnaði, ekki enn alla vega. En jamm, þessi var nú svolíti ólíklegur í alvöru og ég bara mæli með að horfa á hana.